msaada kwenye tuta

maji bwerere a.k.a bwelele...

bili? bili ndio nini??
mahindi yanakua kwa umwagiliaji.

Tukale Polisi?!?!

Mkuu wa wilaya ya nanihii, hivi kwa kweli kabisa mipaka ipo wapi? Hizi picha zimepigwa mida ya jioni ya tarehe 16 huku sehemu za Mbezi Beach, Dar. Zinaonesha jinsi wadau wanavyohangaika na maisha kwa kujilimia bustani za gaden za mbogamboga kama vile mchicha na kadhalika.

Maji bwerere, ila wasiolipia bili wanalima bustani za mboga mboga kwa kukata mabomba ya walipa bili. Yaani wameanzisha mfumo wao wa umagiliaji. Kumwagilia jambo moja, kuwanyima walipia bili maji ni jambo jingine tofauti. Achilia mbali madawa wanayopulizia kwenye mboga hizi. Napenda mboga mboga ila mmh...kulala bila kuoga noma.

Maswala haya tumeripoti Dawasa weeeeeeeeeeeee.... wapi! Sijui wanakula dili na hawa jamaa....haieleweki. Jamani twafa!

Nafahamu kuna haki ya kufanya kazi [ibara 22] lakini haki yeyote haipaswi kuingilia haki ya mtu mwingine.

Nikinukuhu ibara ya 30(1) ya katiba yetu:

“haki na uhuru wa binadamu ambavyo misingi yake imeorodheshwa katika katiba ya Jamhuri ya Muungano wa Tanzania havitatumiwa na mtu mmoja kwa maana ambayo itasababisha kuingiliwa kati au kukatiza kwa haki na uhuru wa watu wengine au maslahi ya umma”