video ya usher raymond akimwimbia michael jackson

msanii usher raymond akiimba katika hafla ya kumbukumbu ya michael jackson jijini los angeles ambapo mamilioni ya wadau dunia nzima walishuhudia shughuli hiyo ya majonzi.

Globu ya Jamii ambayo imefuatilia shughuli hiyo toka mwanzo hadi mwisho kupitia CNN na globu kibao zilizokuwa laivu, imeguswa sana na maneno ya wasemaji wote wakiwemo wacheza basketball kobe bryant na magic johnson, msanii stevie wonder, mcheza sinema brooke shields na gwiji la muziki smokey robinson pamoja na wengineo ambao wote wamekiri kwamba MJ alikuwa mfalme wa pop na pia msamaria mwema ambaye hatosahaulika.

Maneno ya Martin Luther King III alipomnukuu marehemu baba yake mpigania haki Martin Luther King jnr., kwamba ni vyema mtu kufanya kazi uliyonayo kwa ustadi wa hali ya juu ili usifike na kukumbukwa. Hata kama ni kazi ya kufagia barabarani, ifanye kwa moyo na ustadi ili kila mtu akukumbuke kwamba ulikuwa mfagiaji hodari sana.

Wote walipenda MJ akumbukwe hivyo. Kwamba ni mtu aliyeweza kuifanya kazi yake ya muziki kwa moyo na ustadi wa hali ya juu kiasi si rahisi kumsahau.

Mola aiweke mahala pema peponi roho ya Michael Jackon - Amin

-Michuzi