wananen wasomewa mashtaka ya ujambazi wa NMB Temeke

Washtakiwa wa wizi katika benki ya NMB tawi la Temeke jijini Dar leo walifikishwa katika Mahakama ya Hakimu Mkazi Kisutu, wakikabiliwa na kesi 12 zikiwamo za mauaji, pamoja na wizi wa kutumia silaha.

Kati ya watuhumiwa nane waliopandishwa kizimbani, yumo askari wa Jeshi la kujenga Taifa (JWTZ), MT 55935 Sajent Methew Magunga.

Watuhumiwa wengine ni pamoja na wafanyabiashara Boniface Joseph, Deogratious Masawe, Antony Jeremia, Said Hamisi, Isaac Swai, Jackob Salumu na Yusuph Rajab.

Katika kesi hizo, washitakiwa hao wamehusishwa katika kesi za wizi wa magari kadhaa katika maeneo tofauti, ikiwa ni pamoja na wizi wa vitu mbali mbali.

Aidha watuhumiwa hao, walipandishwa kizimbani kwa awamu tofauti tofauti katika kesi hizo, huku wakisomewa mashtaka na Mawakili wa Serikali pamoja na Mahakimu tofauti tofauti.

Katika kesi ya wizi huo wa benki ya NMB, washitakiwa hao walipandishwa kizimbani wote, mbele ya Hakimu Mkazi wa mahakama hiyo na kusomewa mashitaka ambapo wote walikana.

Kesi zao zitatajwa tena Septemba 9 kwenye mahakama hiyo hiyo.