pinda atua nairobi kwa ziara ya siku mbili

Waziri Mkuu Mh. Mizengo Pinda na mwenyeji wake Waziri Mkuu wa Kenya, Raila Odingawakitazama ngoma baada ya Waziri Mkuu, Pinda kuwasili kwenye uwanja wa ndege wa Jomo Kenyatta eapoti kwa ziara ya siku mbili.

WAZIRI MKUU ATAKA NCHI ZA EAC

ZIUNGANISHE NGUVU KIUCHUMI

Na Irene Bwire, Nairobi

WAZIRI MKUU Mizengo Pinda amesema kuna haja ya nchi wanachamawa Jumuiya ya Afrika Mashariki kuunganisha nguvu za kiuchumi ili kuweza kukamatasoko la pamoja kwa ajili ya bidhaa zinazozalishwa na nchi hizo.

Ametoa kauli hiyo leo mchana (Jumanne, Septemba 2, 2009) wakati akifanya mazungumzo na Waziri Mkuu wa Kenya Bw. Raila Odinga kwenye ofisi zake zilizoko jengo la Hazina, Mjini Nairobi, Kenya.

Waziri Mkuu ambaye yuko nchini Kenya kwa ziara ya sikumbili ya kikazi amesema kuna haja ya kuunganisha nguvu za jumuiya za sasa zaCOMESA na SADC ili kuweeza kukamata soko soko kubwa ambalo litahudumia bidhaa zinazozalishwa na nchi hizi.

Akizungumzia kuhusu biashara kati ya Tanzania na Kenya,waziri Mkuu amesema Watanzania hawana budi kuamka na kuchangamkia fursazilizopo ili waweze kuuza zaidi upande wa pili kama ambavyo wenzao wa Kenya wamekuwa wakifanya.

Mapema akizungumza katika kikao hicho, Waziri Mkuu wa Kenya, Bw. Odinga alisema Kenya hivi sasa inakabiliwa na hali mbaya ya ukamepamoja na njaa kwa sababu imekumbwa na matatizo makubwa matatu tangu waingie madarakani mwaka huu.

Alisema machafuko ya kisiasa yaliyoikumba nchi hiyo yalikuwa ni pigo la kwanza ambalo lilisababisha watu washindwe kufanya kazi za uzalishaji kwa kuhofia usalama wa maisha yao.

Wakati wakitatua tatizo hilo walipwatwa na ukame na pigo la mwisho lilikuwa ni mtikisiko wa kiuchumi ambaoumezikumba nchi nyingi.

Alisema mvua zinazotarajiwa kunyesha mwezi huu huenda zikasadia kuikoanchi hiyo na janga la ukame na njaa ambalo limeikumba nchi hiyo.

Mchana huu Mh. Pinda ametembelea kituo cha utafiti cha Kilimo cha Kenya (Kenya Agricultural Research Institute -KARI) na baadaye jioni amekutana na Watanzania wapatao 200 ambao wanaishi hapa Kenya.