nyimbo za kizalendo

Kaka Issa,

Leo nimejaribu sana ku google nyimbo za kizalendo lakini hazipatikani. nikaamua kuziandika kutoka katika daftari la mwanangu wa shule. Naomba uwawekee wadau wanaoipenda nchi hii ili waweze kujikumbusha na kuendelea kuitukuza nchi yetu.

kila la kheri
Mdau wa Globu ya Jamii

SHUKURU MOHAMMED

---------------------------------------------------

TAZAMA RAMANI
Tazama ramani utaona nchi nzuri
Yenye mito na mabonde mengi ya nafaka,
Nasema kwa kinywa halafu kwa kufikiri,
Nchi hiyo mashuhuri huitwa Tanzaniaaaaaaaaaa....
Majira yetu haya, yangekuwaje sasa
Utumwa wa nchi, Nyerere
ameukomesha X2

Chemchem ya furaha amani nipe tumaini,
Kila mara niwe kwako nikiburudika,
Nakupenda sana hata nikakusitiri,
Nitalalamika kukuacha Tanzania.
Majira yetu haya, yangekuwaje sasa
Utumwa wa nchi, Nyerere
ameukomesha X2

Nchi yenye azimio lenye tumaini,
Ndiwe peke yako mwanga wa Watanzania,
Ninakuthamini hadharani na moyoni,
Unilinde name nikulinde hata kufa.
Majira yetu haya, yangekuwaje sasa
Utumwa wa nchi, Nyerere
ameukomesha X2

------------------------------------------------------------

TANZANIA NAKUPENDA
Tanzania, Tanzaniaaaaaaaaaaaaaa...
Nakupenda kwa moyo wote
Nchi yangu Tanzania
Jina lako ni tamu sana
Nilalapo nakuota wewe
Niamkapo ni heri mama we
Tanzania, Tanzaniaaaaaaaaaaaaaa,

Nakupenda kwa moyo wote.
Tanzania Tanzania
Ninapokwenda safarini
Kutazama maajabu
Biashara nayo makazi
Sitaweza kusahau mimi
Mambo mema ya kwetu kabisa

Tanzania Tanzaniaaaaaaaaaaaaaa,

Nakupenda kwa moyo wote
Tanzania Tanzania
Watu wengi wanakusifu
Siasa yako na desturi
Ilituletea uhuru
Hatuwezi kusahau sisi
Mambo mema ya kwetu hakika
Tanzania Tanzaniaaaaaaaaaaaaaaaa,

Nakupenda kwa moyo wote