dk. burian atembelea kiwanda cha bakhressa

Picha juu na chini ni Waziri wa Nchi Ofisi ya Makamu wa Rais Dk Batilda Burian akionyeshwa Chembe chembe za Chupa zilizosagwa na Meneja Mitambo Bw Jones Solomon alipotembelea Kiwanda cha kusaga taka za chupa cha Kampuni ya Bakhresa kilichopo chang'ombe jijini Dar. Picha na Ali Meja.


Waziri wa Nchi Ofisi ya Makamu wa Rais Mhe. Dkt. Batilda S. Burian leo ametembelea Kiwanda cha kurejeleza (recycle) chupa za plastiki cha Bakharesa kilichopo Chang’ombe jijini Dar.

Mh. Dkt. Batilda amesema amefarijika kuona kuwa sasa kuna Kiwanda cha kurejeleza chupa ambazo zilikuwa uchafu na kero katika Miji hususan jijini Dar

Mhe. Dkt. Batilda amepongeza Kampuni ya Bakhresa kwa ukusanyaji chupa na kuzirejeza. Amesema kuwa urejelezaji wa chupa hizi utasaidia katika kupambana na uchafuzi wa mazingira na kusaidia kuwapa kipato wauzaji wa chupa za plastiki zilizotumika.

Alisema chupa nyingi zinazoletwa ni chafu kwa hiyo zinahitaji kusafishwa katika mtambio maalum uliopo kiwandani ambapo bidhaa inayozalishwa huwa salam. Mhe. Dkt. Batilda amesema Serikali tutaendelea kuhimiza utengaji wa taka hivyo kuweza kurahisisha urejelezaji.

Mhe. Dkt. Batilda alisema kuwa Ofisi yake itahahakikisha kuwa vinaanzishwa vituo vya kukusanya chuo hizo na kuleta Kiwandani na watalipwa pesa zao.