KCB yasaidia vifaa buguruni leo

Mwenyekiti wa Bodi ya benki ya KBC na mbunge wa kuteuliwa Janet Mbene akiongea wakati wa hafla ya kukabidhi msaada wa vifaa vya kupimia magonjwa mbalimbali Utra sound printer,dottla machine na oxygen concentrator vifaa hivyo vina thamani ya Sh Milioni 4.3,katika kituo cha Afya cha Buguruni jijini Dare s Salaam.Kutoka kushoto Mkuu wa Masoko wa benki hiyo Christina Manyenye,Kaimu Mkurugenzi Mtendaji Joram Kiarie na kulia Diwani wa kata ya Buguruni Magina Lufunondo.

Mwenyekiti wa Bodi ya benki ya KBC na mbunge wa kuteuliwa Janet Mbene(kushoto)akimkabidhi Diwani wa kata ya Buguruni Magina Lufunondo (kulia) vifaa vya kupimia magonjwa mbalimbali Utra sound printer,dottla machine na oxygen concentrator vifaa hivyo vina thamani ya Sh Milioni 4.3.Wakati benki hiyo ilipoenda kutoa msaada huo katika kituo cha Afya cha Buguruni jijini Dare s Salaam.

Mwenyekiti wa Bodi ya benki ya KBC na mbunge wa kuteuliwa Janet Mbene(kushoto)akimkabidhi Mganga Mkuu wa kituo cha Afya Buguruni Mwajuma Mbaga(kulia) vifaa vya kupimia magonjwa mbalimbali Utra sound printer,dottla machine na oxygen concentrator vifaa hivyo vina thamani ya Sh Milioni 4.3.wa pili kushoto Kaimu Mkurugenzi mtendaji wa benki hiyo Joram Kiarie,Mwenyekiti wa Mtaa wa Mnyamani Jabir Abbas,Diwani wa kata ya Buguruni Magina Lufunondo.

Mkuu wa Masoko wa Benki ya KCB Christina Manyenye,(kulia) akiwa amemshika mtoto Abdurahaman Salumu,miezi(7),wakati maofisa wa Benki hiyo walipokwenda kutoa msaada wa vifaa vya kupimia magonjwa mbalimbali Utra sound printer,dottla machine na oxygen concentrator vifaa hivyo vina thamani ya Sh Milioni 4.3 katika kituo cha Afya cha Buguruni jijini Dar es Salaam,Kushoto mama wa mtoto Shamira Salumu

Baadhi ya wafanyakazi wa Benki ya KCB wakiwa katika picha ya pamoja na wafanyakazi wa kituo cha Afya cha Buguruni mara baada ya benki hiyo kufika hapo kutoa msaada vya kupimia magonjwa mbalimbali Utra sound printer,dottla machine na oxygen concentrator vifaa hivyo vina thamani ya Sh Milioni 4.3.

Michanganuo ya mahitaji

itaongeza ufadhili kwa vituo vya afya

BENKI ya KCB Tanzania imevitaka vituo vya afya nchini kutengeneza michanganuo ya mahitaji ya vifaa wanavyovihitaji jambo litakalosaidia kuvutia wahisani na taasisi mbalimbali nchini kujitokeza kuvichangia vituo hivyo.

Hayo yalisemwa jana jijini Dar es Salaam na Mwenyekiti wa Bodi ya Wakurugenzi wa benki hiyo Janet Mbene kwenye hafla ya kukabidhi msaada wa vifaa vya hospitali vyenye thamani ya milioni 4.3 kwa kituo cha afya cha Buguruni.

Akizungumza wakati wa hafla hiyo, Mbene alisema kuwa ingawa wafadhili wana nia ya dhati kujitokeza kuvisaidia baadhi ya vituo nchini lakini kukosekana kwa michanganuo inayoainisha mahitaji kumechangia kwa kiasi kikubwa wengi miongoni mwao kuhofia kuchangia katika masuala ya kijamii kama hayo.

“Kutokana na hilo natoa rai kwa uongozi wa Kituo cha Afya Buguruni kutengeneza orodha ya vifaa wanavyovihitaji kutoka kwa wafadhili ili kusaidia taasisi zingine kama KCB kujitokeza kuchangia. Nami natumia fursa hii kuwaagiza watendaji wangu kuandaa programu ya kuendelea kukisaidia zaidi kituo hiki,” alisema Mbene.

Mbali na hayo Mbene ambaye hivi karibuni aliteuliwa na Rais Jakaya Kikwete kuwa Mbunge alisema KCB itaendelea kuendesha shughuli zake kwa kuzingatia wajibu ikiwa ni pamoja na kusaidia jamii inayowazunguka jambo litakalosaidia kupunguza umaskini nchini.

“Kwa kutambua tatizo la uhaba wa vifaa benki yetu imeona haina budi kusaidia kidogo. Ni imani yetu kubwa kuwa vifaa hivi vitaongeza ufanisi wa kazi hospitalini hapa na kusaidia wagonjwa mbalimbali,” Mbene alisema.
Awali Mganga Mkuu wa kituo hicho, Dk Mwajuma Mbaga alisema kituo hicho kinachohudumia wagonjwa takribani 700 kwa siku kutoka mitaa 17 ya Buguruni, Kiwalani, Vingunguti na Tabata inakabiliwa na mfumo wa jengo uliozidiwa na huduma wanazotoa na idadi kubwa ya wagonjwa.

“Tunaomba wafadhili wengine wajitokeze kutusaidia kama mlivyofanya nyinyi KCB, kwani bado tunakabiliwa na uhaba wa watumishi na upungufu wa vitendea kazi. Hali ya uchangiaji ikiendelea hivi ni matarajio yangu baada ya miaka mitatu hali inaweza kutengamaa,” alisema Dk Mbaga.

Baadhi ya vifaa hivyo vilivyokabidhiwa na benki hiyo kwa Dk Mbaga ni mashine ya kuchapisha picha za mionzi (Ultra Sound Printer), mashine ya kupima mapigo ya moyo ya mtoto aliyeko tumboni (Dottla Machine) na mashine ya kutoleo Oxygen (Oxygen Concentrator).

Kituo cha afya Buguruni kimekuwa kikitoa huduma za tiba mbalimbali ikiwemo ugonjwa wa kifua kikuu (TB), kambi ya wagonjwa wa kipindipindu, huduma za mama na mtoto, kujifungua, kuwahudumia wenye VVU (CTC) na ikiwemo upimaji wa hiari ugonjwa wa Ukimwi.