champion yazindua kampeni ya kitaifa kuhamasisha mawasiliano ya maambukizi ya HIV

Afisa mradi wa Champion Dr.Yeronimo Mlawa(kushoto) akifafanua jambo katika uzinduzi wa kampeni ya uzinduzi wa mradi wa Champion uliokuwa na Kauli mbiu ya Vunja Ukimya Zungumza na Mwenza iliyofanyika jijini Dar es Salaam.(kulia)Meneja Mawasiliano wa champion Lindsay Hughes.

Mmoja wa wandishi wa habari waliohudhulia katika uzinduzi wa kampeni ya uzinduzi wa mradi wa Champion uliokuwa na Kauli mbiu ya Vonja Ukimya Zungumza na Mwenza akiuliza swali katika uzinduzi huo ulioandaliwa na shirika la Edgender Health kwa kushirikiana na Shirika la Academy For Educational Devolopment kwa ufadhili wa watu wa Marekani,iliyofanyika jijini Dar

Wasanii wa kundi la THT Eliasi Barnabas( kulia) na Linah Sanga (kushoto) wakiimba wimbo maalumu katika uzinduzi wa mradi wa Champion kuhusu kampeni ya Kutumia Vyombo vya Habari unaohamasisha mjadala wa kitaifa.Majukumu na nafasi ya Wanaume ili kupunguza Maambukizo ya Ukimwi iliyofanyika katika ukumbi wa hoteli ya cort yard Dar es Salaam.

Na Mwandishi Wetu
MRADI wa Champion umezindua kampeni ya kitaifa ya kuhamaisha mawasiliano na majadiliano kwa wanaume, wanawake ili kupunguza Maambukizi ya Virusi vya Ukimwi(VVU) pamoja na matatizo ya uzazi.
Kampeni hiyo yenye kauli mbiu ya ‘Vunja Ukimya, Zungumza na Mwenzio’ ina lengo la kuwahamasisha wanaume na wanawake kuwa na mawasiliano mazuri kwa lengo la kudhibiti uwezekano wa kuwa na wapenzi wengi

Akizindua kampeni hiyo jijini Dar es Salaam, jana Meneja wa Mradi huo, Dk. Yelonimo Mlawa, alisema wameamua kuzindua kampeni hiyo baada ya utafiti walioufanya kugundua kuwa wenza wengi hawapo wazi juu ya mahusiano yao jambo linalowafanya wawe na wapenzi wengi.

Alisema katika utafiti walioufanya waligundua kutokuwapo kwa mawasiliano mazuri kwa wenza ni sababu kubwa ya watu kutoridhishwa na kutokuwa na furaha katika mahusiano yao jambo linalowafanya wavitafute vitu hivyo sehemu nyingine ambapo ndiyo huwa mwanzo wa kupata maambukizi ya ukimwi

Mlawa aliongeza kuwa katika utafiti huo walibaini watu wana hamu ya kuboresha mawasiliano ili kukuza uaminifu katika mahusiano yao kwani mawasiliano ni kiungo muhimu katika kuleta mafanikio

Dk. Mlawa alibainisha kuwa vyombo vya habari vitatumika katika kufikisha ujumbe kwa jamii ambayo inapaswa kuelewa na kutambua matatizo

yanayosababishwa na kutokuwapo kwa mawasiliano

“Champion ni mradi wa miaka mitano wenye lengo la kuhamasisha mjadala wa kitaifa kuhusu majukumu na nafasi ya mwanaume na kuongeza usawa wa kijinsia ili kupunguza uwezekano wa wanawake, watoto na wanaume kuambukizwa Ukimwi na matatizo mengine ya afya ya uzazi,” alisema.

Alisema mradi wa Champion unatekelezwa hapa nchini chini ya Shirika la EnderHealth kwa kushirikiana na Shirika la Academy For Edecational Development kwa ufadhili wa Marekani