wadau Ukerewe washerehekea muungano, wamuaga balozi

Mh. Balozi Mwanaidi Maajar akiongea katika sherehe za Muungano usiku wa kuamkia leo jijini London ambapo pia Jumuiya ya Watanzania uingereza walitumia nafasi hiyo kumuaga rasmi Mh. Balozi ambaye kwa sasa kapangiwa kituo cha Washington DC, Marekani
Mwanachama wa New Deal Africa Ally Muhdin akimkabidhi zawadi Balozi Maajar
Uongozi wa New Deal Africa chini ya mwenyekiti wake Ayoub Mzee (kulia) na Shaaban Kawawa (koti bluu) wakimuaga Balozi Maajar

Mwenyekiti wa watanzania waishio Uingereza Bw. John Lusingo na Balozi Maajar wakiongea katika meza kuu ya mnuso huu

Bendi ya African Jambo ikitumbuiza.

Na Ripota wetu, London
Watanzania waishio nchini Uingereza usiku wa kuamkia leo walifanya sherehe za kusheherekea muungano wa Tanganyika na Zanzibar pamoja na Kumuaga Balozi wa Tanzania nchini Uingereza Bi. Mwanaidi Sinare Maajar ambaye amehamishiwa Marekani.

Katika Sherehe hizo zilifanyika katika Ukumbi wa LA Royale Bonqueting Suites, Tottenham jijini London, Mgeni wa heshima Bi. Mwanaidi Maajar aliwashukuru watanzania kwa kuanzisha vyama na jumuiya ambazo zimewakutanisha na kudumisha umoja, upendo na kuwasaidia Watanzania waishio nyumbani na ughaibuni.

Balozi Maajar aliwausia Watanzania kutokata tamaa katika kujishighulisha na kufanya biashara na kujiendeleza katika maisha yao kwani serikali ipo tayari kuwasaidia endapo wataonyesha moyo wa maendeleo.

"Nitapita kuwatembelea kuangalia maendeleo yenu yamefikia wapi" aliongezea Balozi Maajar ambaye amemaliza muda wake wa kikazi nchini Uingereza.

Naye Mwenyekiti wa chama cha Watanzania nchini Uingereza Bw. John Lusingo alitoa hutuba fupi ya kumuaga Bi. Maajar, "Tunakushukuru kwa kutuunganisha Watanzania na kutufanya kuwa kitu kimoja" Bw. Lusingo alisema.

Bw. Lusingo aliendelea kusema kuwa Balozi Maajar ametupa changamoto ya kuweza kuwa na umoja, uzalendo na imani katika mambo mbali mbali.

Jumuiya ya New Deal Africa ilitoa pongezi na shukrani kwa Balozi Maajar kwa mchango wake mkubwa wa kuiwezesha jumuiya hiyo kuweza kuanzishwa na kufikia hapo ilipo. Akitoa pongezi hizo kwa niaba ya mwenyekiti wa New Deal Africa Bw. Ayoub Mzee, mwasisi wa Blog ya TZ-ONE Bw. Ally Muhdin alisema tusingeweza kuwa na mawazo ya kuanzisha jumuiya hii endapo tusingepata changamoto na ushauri kutoka kwa Balozi Maaajar.

Watanzania wengi walijitokeza katika sherehe hizo akiwemo mwimbaji maarufu wa Taarabu Bi. Sabaha Salum Mchacho ambaye aliwatumbuiza washabiki wake kwa kuwaimbia nyimbo ya "FIMBO YA MUNGU"

African Baand haikuwa nyuma illipata fursa ya kuwatumbuiza na kuwaburudisha Watanzania kwa kuwapigia nyimbo za kizamani ambazo zilitamba enzi hizo.