mrembo wa arusha kupatikana june 5

Na Woinde Shizza,Arusha

Shindano la kumsaka mrembo wa mkoa wa Arusha linatarajiwa kufanyika mapema mwezi huu katika ukumbi wa Snow Crest uliopo jijini hapa.

Kwa mujibu wa taarifa iliyo tolewa na muaandaaji wa shindano hilo Snodeo Densia Magesa ambaye ameshirikiana na wenzakea ambao wanaunda kikundi cha Malikia Promosheni wakati akizungumza na mwandishi wa Globu ya Jamii alisema kuwa "shindano hili litafanyika june 5 na litashirikisha jumla ya warembo 12 kutoka katika vitongoji vya mkoa wa Arusha".

Aliendelea kusema kuwa "hadi sasa maandalizi yanaendelea vyema na warembo wote wako kambini kwa ajili ya mazoezi ya kujiandaa na siku ya shindano hili".

Alibainisha kuwa kwa shindano hilo warembo wamejitokeza wengi kushiriki na amefurahia kwakuwa ameona warembo wa mkoani hapa wameshajua umuhimu wa urembo wa watachuana vikali june 5 katika kinyanganyiro cha kumsaka mrembo wa Arusha.

Alisema kuwa kwa mwaka huu shindano hili litakuwa tofauti na mashindano mengine ya urembo yamekuwa yakijali zaidi sura,umbile,mavazi ya aina tofauti tofauti na muonekano wa mtu.

kwa upande wa Warembo hao walisema hawatajali hayo zaidi ya kufata vigezo vilivyo wekwa na waandaaji wa kuu wa mashindano hayo katika swala zima la kuchuana vikali june 5.

Mratibu wa shindano hilo alitoa wito kwa jamii kuyakubali na kuyapokea mashindano hayo kwani yataonesha asili ya makabila ya Tanzania,tamaduni na mavazi yao ambapo amesema kuwa mashindano hayo yatasaidia pia kuitangaza vema Tanzania nje ya nchi na washindi wa mashindano hayo licha ya kupata zawadi mbalimbali pia watasaidia kupatiwa ajira katika maeneo mbalimbali.

Kwa upande wa burudani Magesa alisema kuwa bado muda muhafaka wa kumtangaza msaanii hauja fika na pindi utakapo fika atatoa taarifa.