Mpumilwa Achaguliwa Uenyekiti wa Arusha Wazee Sports Club

Mwenyekiti Danford Mpumilwa (shoto) akiwa na Katibualiyemaliza muda wake Kingdom Mwanguku hapo uwanjani.
Danford akiongozana na wanachama wenzakeDr. Weggoro na Mike Taylor wakikagua timu za watoto siku hiyo.

Mambo hayanogi bila vichombezo -Makamanda wa Oljoro wakiwa kazini.

Kamati mpya ilyochaguliwa siku hiyo.

Wapiga kura wakisikiliza kwa makinimaelezo ya upigaji kura.

Katika juhudi za kuendeleza michezo na undugu baina ya watu wa mataifa
mbalimbali waishio na kufanya kazi Arusha miaka kadhaa iliyopita
ilianzishwa timu moja ya michezo ya Arusha Wazee Sports Club.

Timu hiyo inayokua siku hadi siku ina wanachama zaidi ya 150 kutoka mataifa zaidi ya 20 ikiwemo Tanzania. Jumapili iliyopita wanachama wa timu hii walikutana kiwanjani kwao hapo General Tyre kufanya uchaguzi wao mkuu ambapo Danford Mpumilwa, mwanzilishi wa klabu hiyo, kwa mara nyingine tena alichaguliwa kuwa Mwenyeki ti wa Klabu hiyo ya watu wa enzi za Kifimbo. Wengine waliochaguliwa ni Makamu wake Aatsa Atogo toka Cameroon, Katibu; Ally Mamuya (Tanzania), Makamu wa Katibu; Saidou Guindo (Mali), Mtunza Fedha; Olomi (Tanzania), Naibu Mtunza Fedha; Ms Sophia Burra (Tanzania), Afisa Uhusiano; Emmanuel Ntoko (Cameroon), na Mwanasheria; Francis Kiwanga (Tanzania ).

Timu hii ambayo vilevile huendeleza vipaji vya watoto wadogo katika michezo
siku hiyo ilikaribisha timu mbili za watoto hao ambazo ni washirika wake za
Future Stars na Daraja Mbili zilizoonyesha ufundi wao. Burudani ilitolewa
na makamanda wa kikosi cha Jeshi la Kujenga Taifa la Oljoro ambako mkuu
wake Luteni Kanali Mmari ni mwanachama wa Wazee.

Sasa hivi Klabu ya Wazee iko mbioni kujenga nyumba ya klabu na viwanja vya
michezo hapo uwanja wa Nanenane mjini Arusha ambako itakuwa na makazi ya kudumu.