ANGALIZO LA MUONEKANO MPYA WA GLOBU YA JAMII

Kabla ya kutoa angalizo hili muhimu, Globu ya Jamii inapenda kutoa shukrani sio tu za dhati kwa wadau na wadhamini, bali pia kwa wadau wapya wapya wa Libeneke hili ambalo linaelekea kwenye hepi besdei yake ya sita toka lizaliwe. Tunashukuru sana kwa kampani mnayotupa kwani toka muonekano mpya uje kumekuwa na ongezeko kubwa mno la wadau wapya hadi inatia raha.

Angalizo la leo linahusu habari kuondoka haraka ukurasa wa kwanza. Hii ni kutokana na muongezeko wa spidi ya kuposti habari mbalimbali kwa siku, kiasi hata habari zingine hazikai muda mrefu ukurasa mkuu. Hii mdau isikutie hofu kwani hii imeshapatiwa ufumbuzi toka muonekano mpya uzinduliwe takriban mwezi mmoja uliopita. Yaani habari zilizopita hazipotei bali zinahifadhiwa katika sehemu maalumu ili wewe uweze kutembelea bila shida.

Ni kwamba endapo hutoona ama hototosheka na libeneke la ukurasa mkuu kwa siku husika, usisite kubofya katika 'Habari Zilizopita' chini kabisa upande wa kulia, nawe utapata ukitakacho. Kama hujapata bofya tena 'Habari Zilizopita' hadi ufike unakotaka. Kwa mdomo mwingine ni kwamba hakuna habari ama taswira iliyopita utakayokosa kuiona endapo kama utabofya 'Habari Zilizopita.' Vile vile spidi ya Globu ya Jamii imeongezwa maradufu hivyo kwikwi hakuna tena. Yaani ukigusa tu ngoma inafunguka bila shida. Yote!

Vile Vile chukua muda kudadisi na kupereruzi katika 'KUMBUKUMBU' pale juu kulia, chini ya picha ya Ankal, ambapo libeneke la kila mwaka tokea mwaka 2005 hadi leo limewekwa bayana. Na sio mwaka tu bali kila mwezi wa miaka hiyo mitano iliyopita ipo kwa ajili yako. Usisahau kwamba utapobofya 'Habari Zilizopita' katika mwezi unaoperuzi, ujue utarejeshwa nyuma katika mwezi husika hadi mwisho wake. Yaani hapa hakuna kulala!

Vile vile ukiangalia juu ya picha ya Ankal pale juu kulia, utakuta kuna nembo za Facebook, Twitter na Youtube. Hivyo vyote ni vipiga chapuo vya Globu ya Jamii ambapo utakutana na Ankal katika hizo Social Media na utaruhusiwa kudadisi na kuperuzi bila kelele wala mikwaruzo. Video kibao utapata, twits za nguvu utaziona na stori katika Facebook utazikuta kibao.

Kwa mdau mwenye swali, ushauri ama hata mkosoo andika email yake kupitia issamichuzi@gmail.com nawe utasikilizwa na kujibiwa chap chap.

Karibu sana mdau ufaidi uhondo wa
Globu ya Jamii.
-MICHUZI