pigo lingine kwa wapenzi wa muziki wa dansi, ngosha wa sikinde hatunae tena

Habari iliyoifikia Globu ya Jamii usiku huu,inaripoti kwamba Mwanamuziki aliekuwa mpiga Bass wa DDC Mlimani Park Orchestra,Mustafa Ngosha (pichani) ambaye alijulikana zaidi kwa jina maarufu la Ngosha amefariki dunia leo baada ya kusumbuliwa na maradhi kwa muda kidogo.

Ngosha alijiunga na DDC Mlimani Park miaka ya mwanzoni ya 90, akiwa anajulikana kama Charles John Ngosha ila baadae alibadili dini na Kuwa muislam na kupewa jina la Mustafa. Mwili wa marehemu umehifadhiwa katika Hospitali ya Amana,Ilala jijini Dar.

Msiba upo nyumbani kwa marehemu Tandale kwa Popobawa jijini Dar es salaam. Kwa mujibu wa mmoja wa wanakamati ya mazishi na mwanamuziki mkongwe Hassan Rehani Bitchuka, mazishi yatafanyika leo saa saba mchana. Ngosha, aliyezaliwa mwaka 1965, ameacha mke na watoto 10