bongo tambarare: swiming puli la kisasa barabara ya upanga road

 swiming puli maarufu jijini Dar inapatikana mtaa wa Upanga kati jengo la YMCA na  ABC Bank Corp kuelekea CITI Bank na Peugeot House. Hapa unaogelea bila malipo kwani wakazi wa eneo hilo wana mwaka sasa hawajadhurika licha ya kwamba puli hili lenye umri wa takriban mwaka sasa limechanganyika maji ya mvua na ya kinyesi toka nyumba jirani. Mbele kule kwenye magari pana kiplefti ambacho nacho kinaleta raha hasa utapopita mbio na gari lako. Hongera kwa wazee wa jiji kwa zawadi hii ambayo bila shaka itadumu kwa mwaka mwingine na kuongeza pafyumu inayotoka hapo, pamoja na maji yenye kurembwa na rangi ya kijani kutokana na umri wake

 Ili kukitambua kiplefti umewekewa matairi ili usije vunja sheria ya usalama barabarani

Kwa kuwa ni swiming puli ya heshima na yenye hadhi huruhusiwi kupita kwa mwendo wa kasi...Bila shaka baada ya warsha, kongamano, semina, vikao na mikutano ya wazee wa jiji kufanywa kwa mara ya ngapi sijui, huenda tukawekewa mabenchi na miamvuli ili tustarehe zaidi - Nani kasema Bongo siyo tambarare??