BREKING NYUZZZZZ : Polisi wapiga magomu ya machozi kutawanya maandamano ya amani ya wanafunzi wa shule ya sekondari ya tosamaganga,Iringa hivi sasa

Polisi wakiwa wamewaweka chini ya ulinzi wanafunzi wa Shule ya Sekondari ya Tosamaganga eneo la Kitwiru nje kidogo na Manispaa ya Iringa hapo ilikuwa ni kabla ya kuanza kupiga na kurusha mabomu ya machozi.

Wanafunzi wa Sekondari ya Tosamaganga wakikimbia moshi ya mabomu yaliyokuwa yakipigwa na polisi

Mwandishi wa habari wa radio Ebony Fm akikimbia moshi ya mabomu ambayo yalikuwa yakipigwa na askari hao kutawanya wanafunzi hivi punde

Hapa wakikimbia porini kunusuru afya zao

Hali ya usalama si shwari katika shule ya sekondari Tosamaganga wilaya ya Iringa mkoani Iringa hivi sasa, wanafunzi zaidi ya 1000 wapo porini wakikimbizwa na polisi wa kikosi cha kutuliza ghasia ambao wanatumia mabomu ya machozi kuwatawanya wanafunzi hao ambao walikuwa katika maandamano ya amani kwenda ofisi ya mkuu wa mkoa wa Iringa kuulalamikia uongozi wa shule hiyo.

Hadi hivi sasa mabomu zaidi ya 10 ya machozi yamepigwa kuwatawanya wanafunzi hao ambao baadhi yao wanadaiwa kujeruhiwa kwa kuchomwa na miti wakati wakikimbia porini kukwepa mabomu hayo huku wananchi wa Mseke wakikimbia nyumba zao .

Polisi wamewazuia waandishi wa habari akiwemo Mwanalibeneke Mpiganaji wa Globu ya www.francisgodwin.blogspot.com pamoja na Globu ya Jamii ambao waliokuwepo eneo hilo wakifuatilia tukio hilo kuendelea kuchukua habari hiyo.

Hadi hivi sasa hali si shwali katika eneo hilo na wapiganaji waliopo katika eneo hilo wanaugulia macho kutokana na moshi wa mabomu yaliyokuwa yakitumika kuzuia maandamano ya wanafunzi hao wa Shule ya Sekondari ya Tosamaganga,Iringa.