fainali ya kili taifa cup 2011 ni mbeya na mwanza

 Kipa wa timu ya mkoa wa Kagera akidaka mpira huku mshambuliaji wa timu ya mkoa wa Mbeya Gaudens Mwaikimba akijaribu kufunga wakati wa mchezo wa Robo Fainali ya pili ya michuano ya Kill Taifa  Cup 2011 dhidi ya timu ya mkoa wa Kagera uliofanyika katika Uwanja wa Sheikh Amri Abeid, Arusha

Mchezaji wa timu ya mkoa wa Mbeya, Juma Mpola (kushoto) akimtoka beki  wa timu ya mkoa wa Kagera , Laurent James wakati wa mchezo wa Robo Fainali ya pili ya michuano ya Kill Taifa  Cup 2011 dhidi ya timu ya
mkoa wa Kagera uliofanyika katika Uwanja wa Sheikh Amri Abeid, Arusha

TIMU ya soka ya mkoa wa Mbeya, jana iliifuata Mwanza kwenye fainali ya Kili Taifa Cup baada ya kuibamiza Kagera - Lweru Eagles- mabao 2-1 katika mchezo wa nusu fainali iliyopigwa kwenye Uwanja wa Sheikh Amri Abeid, Arusha

Mbeya imekwenda fainali hizo kupitia kwa mabao yaliyowekwa kimiani na Gaudence Mwaikimba, na lile la kujifunga la Luhende Charles katika dakika ya 93 baada ya kumalizika zile 90 za kawaida kwa sare ya 1-1. 

Bao la Mwaikimba lililopatikana kwa penati baada ya kipa wa Kagera kumwangusha Said Mtupa na mshambuliaji huyo mrefu hakufanya ajizi kufunga na Themi Felix alilifuta kwenye dakika ya 60 kutokana na walinzi wa Mbeya kushindwa kuondosha hatari hiyo. 

Kutokana na ushindi huo, sasa Mbeya kutoka Green City wataivaa Mwanza kutoka Rock City katika fainali ambayo inatarajiwa kuwa kali na ya kuvutia itakayopigwa Jumamosi.