hoja ya haja

Nitashukuru kama nitapata kushiriki na  wadau wa blog ya jamii katika suala hili.

Yapata mawiki kadhaa sasa hapa nchini Tanzania pamekuwa na taarifa za uwepo wa samaki wenye mionzi ya Juclear kutoka Japan.  Nafurahi kusikia serikali inashuhulikia, wamepeleka sampuli Afika kusini na Kenya (TDFA?????????? TBS??????????? Tume ya mionzi?????????????) Anyway hiyo siyo hoja yangu kwa sasa.

Kwa kuwa mimi ni mfanyabiashara mdogo, hoja yangu ipo katika watengenezaji wa bidhaa nyingi tunazotumia.  Utakuta nakwenda kariakoo kununua bidhaa mbali mbali kwa ajili ya wateja wangu.  Kinachonitatiza ni hii lugha “….unataka feki au original”?  Mimi ambae sina uelewa wa kitaalam, katika masuala ya engineering, kemimali na electronic, nawezaje kulijua hili kama huu sio mtego ambao serikali yetu ndio yenye uwezo wa kudhibiti kuachia hali hii iendelee kutuumiza.

Pia kuna baadhi ya vitu ukinunua, kwenye makasha yake hakuna jina la bidhaa(Brand name) wala address ya mtengenezaji.  Hii ni hatari kwani kitu kama hicho kikileta madhara hujui nani wa kumuuliza. Na wahusika wameacha tu viingie nchini.  Mbali ya makasha hayo kutokuwa na majina ya watengenezaji/wasambazaji, ukienda kununua vitu vingi wawezakupewa vitu havipo ndani ya makasha, alafu unapewa makasha matupu ili ukaweke mwenyewe ndani ya makasha kwa ajili ya kuwauzia wateja wako.  Hii si siri wahusika wapite tu kariakoo madhalani maduka yanayouza vifaa vya electronic au vipuri mbalimbali watabaini hilo.   Tunashukuru Mungu vya samaki wa mionzi vimeonekana, na je hivi ambavyo kila leo vinatupa madhara ya kupoteza pesa zetu ovyo nani atashuhulikia?  Sisi walipa kodi ni lazima tulindwe na serikali yetu ili tuendelee kuitumia.  Sasa mbona hamtulindi tunauziwa vifaa ambavyo haina viwango mitaani, vyakula vyenye sumu kama hawa samaki? Tukifa wote nani atalipa kodi?, nani atapiga kura? Wateja wetu wakidhurika tutauza wapi bidhaa zetu?

Nashauri yafuatayo na pia ushauri mwingine upokelewe toka kwa wadu watakoshiriki kuchangia katika mada hii:

• Tume ya ushindani wa bidhaa nchini, ifanye kazi kwa ufanisi ili kuzuia tangu bandarini/viwanja vya ndege na mipakani uingiaji wa bidhaa ambayo hazijulikani zimetengenezwa na nani?
• Tume ya mionzi ijengewe uwezo ili kuweza kufanyakazi kiufanisi.
• Mamlaka ya chakula na dawa iongeze juhudi na kuzuia vyakula vyote hatarishi kwa maisha yetu walipa kodi 
• Mdau Mkere Ketwa