Balozi Mdogo wa China Atowa Shillingi Millioni Ishirini Pemba.

 Na:- Azizi Simai  Maelezo Pemba.

 

Balozi Mdogo wa China Zanzibar,  CHEIN CHIN MAN amesifu uhusiano uliopo kati ya China na Zanzibar kutokana na mashirikiano makubwa waliokuwa nayo tangu Mapindzi ya mwaka 1964.

Amesema China itaendelea kusaidia Zanzibar katika nyanja mbali mbali za Maendeleo katika juhudi za kukuza Uchumi wake pamoja na Wananchi .

 

Balozi CHEIN ameyasema hayo katika Ghafla ya kukabidhi Hundi ya Shillingi Millioni  Ishirini kwa Skuli Tatu ziliopo katika Jimbo la Mkanyageni Wilaya Mkoani Pemba kwaajili ya Vifaa vya Sayansi, Msaada ambao umetolewa na Kampuni ya Mawasiliano ya Kichina ya HUAWIE.

 

Kampuni hiyo ya HUAWIE  imesaidia Fedha hizo kwa ajili ya Skuli ya CHOKOCHO,KISIWA PANZA NA MKANYAGENI baada ya kuombwa na Waziri wa Mawasiliano ya Sayansi na Teknolojia wa Tanzania.

 

Nae Waziri wa Sayansi na Teknolojia wa Serikali ya Muungano Tanzania Professa Makame Mbarawa Mnyaa amewataka Vijana Maskulini kuvitumia Vifaa vya Sayansi kwa kuliwezesha Taifa kuwa na Wataalamu wa fani Mbali mbali.

 

Waziri huyo amesema kuwa ili Taifa liwe na Wataalamu Wazuri ni muhimu Vijana Maskulini kuzitumia vyema Maabara na Vifaa vilivo kwenye Skuli zao na kuvienzi Vifaa hivyo iliviweze kuwasaidia  na wengine.

 

Aidha Professa Mnyaa amesema Taifa lolote Duniani ili liendelee linahitaji Vijana waliofanikiwa kwa kiasi kikubwa katika Masomo ya Sayansi.