msaada kwa mtoto Halima Kassim

Ndugu zangu Watanzania nawaomba tumsaidie mtoto Halima Kassimu (12) pichani wa Nanenane Morogoro kwani mateso anayoyapata ni makubwa sana. Halima alizaliwa akiwa ni mlemavu wa miguu yote miwili na hakuweza kutembea (Kiwete). Wazazi wake walijaribu kumpeleka katika hospitali mbalimbali bila mafanikio. Mwisho wakiwa katika kukata tamaa wakaambiwa kuwa mtoto huyu anaweza kupona kama atapelekwa KCMC au CCBRT.

uvimbe kiunoni ambalo linamfanya asiweze kuhisi chochote kuanzia kiunoni hadi miguuni kiasi ambacho hata haja kubwa na ndogo zinatoka bila mwenyewe kujitambua. Alipofikisha miaka mitatu alitoka vidonda miguuni na havikupona mpaka alipofika miaka kumi na moja (2010) mwaka huu tena vimeanza kumtokea vidonda miguuni.

  Kutokana na kutokuwa na uwezo basi wazazi waliamua kumpeleka shule ya kawaida akiwa na watoto wenzake wasio na ulemavu. Yeye na pacha wake (Ismail) walikuwa darasa moja  lakini shule alimudu kusoma kwa miezi miwili tu. Walimu walimshauri mzazi wake amwachishe shule kwa kile walichosema anawachefua wenzie. Pacha wake yupo darasa la tano na Halima bado yupo nyumbani bila kujua hatima yake ya baadaye. Kwa hivi sasa Halima anaishi na mama yake na babu yake kwani baba yake amemtelekeza na anaishi na mtoto wa kiume ambaye ni pacha wa Halima asiye na tatizo lolote.