JK akutana na ujumbe wa Rais wa Gambia leo Ikulu, Dar es salaam

Rais Dkt. Jakaya kikwete akiwa na Waziri wa Uvuvi, Maliasili na Bunge wa Gambia na Mjumbe Maalumu wa Rais Yahya Jammeh, Mh Lamin Kaba, ambaye kamletea ujumbe toka kwa Rais huyo Ikulu jijini Dar es salaam leo.

Rais Dkt. Jakaya kikwete akipitia ujumbe kutoka kwa Rais wa Gambia,Mh. Yahya Jammeh alioletewa na Waziri wa Uvuvi, Maliasili na Bunge wa Gambia Ikulu jijini Dar es salaam leo.Picha na IKULU.

Rais wa Jamhuri ya Muungano wa Tanzania, Mheshimiwa Jakaya Mrisho Kikwete jioni ya leo, Jumatatu, Januari 9, 2012, amekutana na kufanya mazungumzo na mjumbe maalum wa Rais wa Gambia, Mheshimiwa Yahya A. Jammeh.

Katika mazungumzo hayo yaliyofanyika Ikulu, Dar es Salaam, mjumbe huyo maalum, Mheshimiwa Lamin Kaba ambaye pia ni Waziri wa Uvuvi, Maliasili na Masuala ya Bunge amemkabidhi Rais Kikwete ujumbe maalum kutoka kwa Rais Jammeh.

Katika mazungumzo yao, Rais Kikwete na Mheshimiwa Kaba wamezungumzia masuala yanayohusu uhusiano kati ya Tanzania na Gambia na pia masuala ya Afrika na ya kimataifa.

Mjumbe huyo maalum anatarajiwa kuondoka nchini kesho kwenda Nairobi,

Kenya ambako anatarajiwa kukutana na viongozi wa nchi hiyo.

Imetolewa na:

Kurugenzi ya Mawasiliano ya Rais

Ikulu,

DAR ES SALAAM

Januari , 2012