Kampuni ya DARLET yaendesha mafunzo ya kibenki kwa siku mbili ya PAYMENT CARD INDUSTRY DATA SECURITY STANDARD (PCI DSS)

Kampuni inayokua kwa kasi ya DARLET inayomilikiwa na Vijana wa Kitanzania mwishoni mwa wiki iliyopita iliandaa mafunzo yanalolenga zaidi sekta ya kibenki yahusuyo PAYMENT CARD INDUSTRY DATA SECURITY STANDARD (PCI DSS). Vigezo hivi vya PCI DSS vitakuja kuwa muhimu kwa watendaji wa mabenki kuvitumia katika mifumo ya malipo ndani ya benki katika siku za usoni. Benki zilizohudhuria ni pamoja na EXIM, DTB, NMB, FBME na CRDB. Bila shaka muitikio haukua mkubwa sababu bado ni mahitaji mapya ndani ya soko/sekta ya kibenki na ni mafunzo ambayo ndio kwanza yamefanyika kwa mara ya tatu ndani ya Bara la Afrika ikiwa ni mara ya kwanza kwa Tanzania. Mafunzo haya ya siku Mbili (2) yalifanyika Dar es Salaam International Conference Center (DICC). Karibu utembelee www.darletgroup.com uone jinsi gani tunaweza tatua changamoto zako katika Ulimwengu wa Teknolojia.

Dr. Abiola Abimbola (Phd & QSA)

Mkufunzi na Mmiliki wa Kampuni ya NetHost Legislation (UK) Ltd iliyojikita nchini Uingereza na ambayo iliingia ubia na Kampuni ya Nyumbani ya DARLET kutoa mafunzo haya ya PCI DSS Nchini Tanzania.

Kushoto ni Mkurugenzi Mtendaji wa Kampuni ya DARLET Bw. Gilbert Kapya katika picha ya pamoja na Mkurugenzi na Mmiliki wa Kampuni kutoka Uingereza ya NetHost Legislation (UK) Ltd Dr. Abiola Abimbola.

Washiriki wa Mafunzo ya PCI DSS na Wafanyakazi wa Kampuni ya DARLET katika picha ya pamoja, kutoka kushoto ni Bw. Baraka Magayo (Mshiriki kutoka FBME), Bw. Glen Kapya (Mmoja kati ya Wakurugenzi wa DARLET), Bw. Abdulrabih Nyoka (Mshiriki kutoka NMB), Bw. Geofrey Odero (Mshiriki kutoka DTB), Bi. Kabula Mashala (Mshiriki kutoka CRDB), Bw. Gilbert Kapya (Mkurugenzi Mtendaji wa Kampuni ya DARLET), Dr. Abiola Abimbola (Mkufunzi na Mmiliki wa Kampuni ya Nethost Legislation), Bw. Manfredy Kayala (Mshiriki kutoka EXIM) na Bw. James Njiu kutoka DARLET.

Mafunzo Yakiendelea katika moja ya kumbi za DICC

Mafunzo na majadiliano yakiendelea kwa njia ya vitendo.