wana CCM wanaowania ubunge afrika mashariki watajwa

Katibu wa Itikadi na Uenezi wa CCM Bw. Nape Nnauye ametangaza majina ya waliopendeekzwa na halmashauri kuu kuwa  wagombea viti wa chama hicho katika bunge la Afrika Mashariki.

Kwa Tanzania Bara wanawake waliopendekezwa ni 12 wanaume 17 wakati kwa Zanzibar wanawake waliopendekezwa ni watano na wanaume wanane. 

Nape alisema vigezo vilivyotumika viko ndani ya chama hicho na kwamba chama kinajivunia kujitokeza kwa wasomi wengi kuwania nafasi hiyo wakiwemo vijana na akinamama. 

Aidha, alisema Kamati Kuu imeteua wajumbe watatu wa kusimamia uchaguzi huo ambao ni 

Abdulrahman Kinana, yeye mwenyewe Nape na Dogo Mabrouk. 

Alitaja wanawake waliopendekezwa kwa Tanzania Bara kuwa ni Janeth Mmari, Janet Mbene, Fancy Nkuhi, Nora Mukami, Shally Raymond, Shy-Rose Bhanji, Ngollo Malenya, Godbertha Kinyondo, Hamidah Kalua, Angela Kizigha, Happiness Lugiko na Ruth Msafiri. 

Kwa upande wa wanaume Bara aliwataja Dk. Aman Kabourou, John Ngongolo, Dk. Evans 

Rweikiza, Siraju Kaboyonga, Benard Murunya, Dk. Edmond Mndolwa, Christopher Awinia na 

Dk. Hilderbrand Shayo. 

Wengine ni Makongoro Nyerere, Adam Kimbisa, Elibariki Kingu, Simon Berege, Mrisho Gambo, Handley Mafwenga, William Malecela, Mussa Mnyeti na Godfrey Mosha. 

Wanawake waliopendekezwa upande wa Zanzibar ni Septuu Mohammed Nassor, Safia Ali Rijaal, Rukia Seif Msellem, Sabah Saleh Ali na Maryam Ussi Yahya. 

Wanaume Zanzibar kwa mujibu wa Nape ni Dk. Said Gharib Bilal, Abdallah Ali Mwinyi, Dk. Haji 

Mwita Haji, Dk. Ahmada Hamad Khatib, Zubeir Ali Maulid, Khamis Jabir Makame, Abdul-Aziz Salim na Mbwana Yahya Mwinyi. 

Bunge hilo kwa sasa lina wajumbe 52, wakiwa tisa kutoka kila nchi mwanachama wa EAC 

pamoja na wajumbe wengine saba wanaoingia kwa nafasi zao.