Kocha Mkuu wa Taifa Stars, Kim Poulsen leo (Agosti 1 mwaka huu) ametangaza kikosi cha wachezaji 21 kwa ajili ya mechi ya kirafiki itakayochezwa ugenini Agosti 15 mwaka huu.
Wachezaji walioitwa Taifa Stars inayodhaminiwa na Kilimanjaro Premium Lager wanatakiwa kuripoti kambi kwenye hoteli ya Tansoma, Dar es Salaam, Agosti 8 mwaka huu saa 1 jioni tayari kwa mazoezi yatakayoanza siku inayofuata.
Makipa walioitwa kwenye kikosi hicho ni Deogratias Munishi (Azam), nahodha Juma Kaseja (Simba) na Mwadini Ali (Azam). Mabeki ni nahodha msaidizi Aggrey Morris (Azam), Erasto Nyoni (Azam), Kelvin Yondani (Yanga) na Shomari Kapombe (Simba).
Viungo ni Athuman Idd (Yanga), Frank Domayo (Yanga), Haruna Moshi (Simba), Mrisho Ngassa (Azam), Mwinyi Kazimoto (Simba), Ramadhan Chombo (Azam), Ramadhan Singano (Simba), Salum Abubakar (Azam) na Shabani Nditi (Mtibwa Sugar).
Wachezaji wanaounda safu ya ushambuliaji ni John Bocco (Azam), Mbwana Samata (TP Mazembe, Jamhuri ya Kidemokrasi ya Congo- DRC), Said Bahanuzi (Yanga), Simon Msuva (Yanga) na Thomas Ulimwengu (TP Mazembe, Jamhuri ya Kidemokrasi ya Congo- DRC).
Boniface Wambura
Ofisa Habari
Shirikisho la Mpira wa Miguu Tanzania (TFF)
Kikosi kiko pouwa, ila hili la makipa wawili toka timu moja Kocha kachemka, mwadini kamwona wapi wakati hiyo kAGAME yote kakaa Benchi!? na amemwacha Ally Mustapha ambae hakufungwa hata Goli Moja Kagame na Kaonesha Kiwango!!
ReplyDeleteNadhani ipo haja ya kuitafutia jina jingine hii timu kwani haina hadhi ya kuitwa 'Timu ya Taifa'. Hii timu ni kombaini ya timu za Azam, Yanga na Simba pamoja na hao wachace kutoka DRC. Hivi hakuna wanaoweza kufaa kutoka timu nyingine kama Mtibwa, Coastal Union, Ruvu JKT kutaja kwa uchache ukiachilia mbali mchango wa timu kutoka Zanzibar kama Mafunzo ambao sote ni juzi tu tulishuhudia soka lake? Tuache dhihaka na tuwe makini.
ReplyDeleteWambura Ugenini wapi?Hujui siku hizi mashabiki wanasafiri na timu?Sema tukate tiketi za ndege mapema.Hapo
ReplyDeleteDavid V