WALIMU IRINGA WAANZA KUREJEA KAZINI

Mwalimu wa darasa la MEMKWA katika shule ya Msingi Mlangali mjini Iringa Angelina Msolla akikagua madaftari ya wanafunzi asubuhi hii baada ya walimu 16 kati ya 21 katika shule hiyo kurejea kazini leo

Mmoja kati ya walimu wa shule ya Msingi Mlangali Iringa mjini akielekea darasani kufundisha

Mkuu wa shule ya msingi Mlangali mjini Iringa Idd Hamis Khanju akionyesha daftari la mahudhurio ambalo walimu 16 kati ya 21 wamerejea kazini leo katika shule hiyo.

Hali ya mgomo wa walimu wa walimu katika mkoa wa Iringa imeendelea kupoteza mwelekeo baada ya idadi kubwa ya walimu kuanza kurejea kazini kuanzia leo .

Uchunguzi wa mtandao  wa www.francisgodwin.blogspot.com ambao umefanya katika shule mbali mbali mjini Iringa na nje ya Manispaa ya Iringa umeshuhudia walimu hao wakiendelea na kazi kama kawaida huku wachache ndio ambao wameendelea na msimamo wao wa mgomo.

Hata hivyo idadi kubwa ya walimu wanadai wanasubiri maamuzi ya mahakama hapo kesho ndipo wataweza kutoa msimamo wao dhidi ya mgomo huo ila kwa leo wameona ni vema kuendelea na kazi kama kawaida.

Mfano katika shule ya Msingi Mlangali mjini Iringa walimu 16 kati ya 21 ndio ambao wamefika katika shule hiyo wakati shule ya Msingi Maendeleo walimu wamefika ila hawajaingia madarasani .