msaada tutani: wananchi wa Bukama, Rorya, tunaomba umeme!

Kaka,

Pole sana na kaz, tena kwa majukumu.

Kwa majina naitwa mzee Christopher Waru Waga mkaazi wa kijiji cha Bukama wilaya ya Rorya. Kwa kweli ndugu tunapata taabu kubwa ya kukosa umeme kwa zaidi ya miaka 19 sasa tangu nyaya za umeme zipite hapa kuelekea Shirati.Kero hili limeshaongelewa kwa mda sasa na kama kawaida limekuwa kipengele moja muhimu kila mara uchaguzi ufikapo na wengi wamelitumia vilivyo.Tumeona sisi ndio tunaoumia na hivyo basi tumeandaa wenyewe ombi(Page 1 - 5) ambalo tunalisambaza kwa vyombo mbali mbali tukiwa na imani kwamba itamfikia mmoja aliye na uwezo wa kutusaidia.

Linalohitajika ni transformer tu kwani umeme umepita barabarani tu na sisi tunabaki tukiangalia kwa macho na kupeleka simu kijiji jirani kuchaji simu zetu.Tunaomba msaada wako na wanaglobu kwa jumla. Kwa wanaotoka huku kwetu wanajua tunachokiongea.

Tunaomba ombo hili liwafikie wakuu wa Shirika la Umeme Tanzania TANESCO, viongozi wetu pamoja na mbunge wetu Lameck Airo na wadau wote wa maendeleo ya jamii.

Ombi linaelezea zaidi hili tatizo letu.

Shukran sana kaka na Mungu akuzidie kwa kazi nzuri unayoifanya kuiendeleza jamii na taifa letu la Tanzania.

Mungu akubariki.

Kwa mawasiliano:

Christopher Waru Waga

0686836563