Hoja ya haja: Lindi kunani??

Tafadhali mwanangu naomba unibandikie mawazo/ushauri wangu kwa jamii wachangie kuhusu masikitiko ya asilimia 56 ya watoto wa Lindi wana utapiamlo.Ni mara yangu ya kwanza kuingia kwenye mtandao.Ni mzee na ninaomba wazee wenzangu tuendelee kujitokeza kujiunga kwenye mtandao katika kuchangia mawazo yao kwa Taifa na itakuwa ni changa moto kwa vijana wetu wa dot.com wazee wenye mawazo ya hekima wamo lakini hawavumi. Asante nategemea ushauri wako kwa ombi langu na kunisaidia kulisahihisha na kulitoa kwa jamii kama linafaa,maana wewe ni mzoefu wa matangazo. Nakutakia kazi njema mwanangu. Mdau Amai Kimaro

Nasikitika kusoma Gazeti la Mtanzania la Dec.12.2012 asilimia 56 ya watoto wa Lindi wana utapiamlo.Naomba jamani turudi nyuma tulikotoka wazazi wenu.Kuna Idara ya Maendeleo ya Jamii ni mojawapo wa kazi zao kuelimisha na kushauri jamii kuhusiana na tatizo/shughuli husika za kiamaendeleo.Watoto kwanzia Mwezi 0-mpaka Miaka 5 wanatakiwa uangalizi wa hali ya juu kiafya.Zamani mama maendeleo walikuwa wa

nafundisha kina mama kutengeneza vyakula vya watoto wapofikia miezi ya kula mpaka kufikia miaka 5,ambapo anaweza kula vyakula vya wakubwa.Na walikuwa wanafundisha kutokana na vyakula wanavyolima wenywe.

Mama maendeleo walikuwa wanashirikana na wauguzi wa Clinic kufanya home visiting kila kwa wiki mara moja .Kufanya hivyo ilikuwa inasaidia sana kugundua matatizo yanayoikabili jamii na kutafuta njia ya kuyatatua ikiwa moja wapo kutoa ripoti kwa wahusika.

Naiomba Serikali iangalie umuhimu wa Idara hii ya Maendeleo ya Jamii kwa kuwapa vitendea kazi kuwafikia jamii kwa urahisi wasikae Maofisini tu huku jamii inaumia.Ikumbukwe mupo k wa ajili yao na ndiyo hasa majukumu yenu. Kama kweli yaliyo andikwa watoto 56 wana utapiamlo ni aibu kwa Taifa kama kuna njaa jamani SERIKALI iwaangalie iwasaidie vyakula vya virutubisho kuokoa hawa watoto ambao ni nguvu kazi ya TAIFA Naomba jamii tuchangie kutoa ushauri.

Mdau Lindi