mrisho mpoto apania kurejesha msisimko wa maigizo ya jukwaani

 Mrisho Mpoto akiigiza kama FALSTAFF na kulia ni Bw Ogutu Mulaya, alie tafasiri mchezo huu kwa Kiswahili, akicheza kama Bi Quickly. 

 Mrisho Mpoto akiwa na waigizaji wenzake kutoka Kenya ambao waliigiza kama WANAWAKE WA HERI WA WINSA  wakionesha umahiri wao katika Ukumbi wa Makumbusho na Nyumba ya Utamaduni Dar es Salaam.

Kulia kabisa ni Bw Ogutu Mulaya, alie tafasiri mchezo huo kwa Kiswahili, akiigiza na wenzake huku akiwa kwenye husika nyingine.

Mrisho Mpoto ni moja kati ya wasanii wakubwa wa Muziki na Maigizo ya Jukwani hapa nchini. Michezo hii ya jukwaani ambayo ni adimu na adhimu sana hapa nchini kutokana na umakini na utaalaam mkubwa unao hitajika katika uandishi, uongozaji na hata uchezaji jukwaani.

Hapa nchini kuna wasanii wachache wenye uwezo wa kutimiza hatua zote za maandalizi ya mchezo wa jukwaani. Tumekuwa tukishuhudia  wataalam walio pikwa kutoka Taasisi ya Sanaa na Utamaduni Bagamoyo na wale wa Chuo kikuu cha Mlimani katika Idara ya Sanaa na Maonesho na Chuo kikuu Huria wakishughulika sana na tasnia hii.

Baada ya kuona Tasnia hii inasua sua, Bwana Mrisho Mpoto aliamua kwa dhati kurudisha heshima ya michezo hiyo kwa kuishawishi kampuni inayo jishughulisha na Maonesho ya Jukwaani ya nchini Kenya Kuuleta mchezo ulio jipatia umaarufu mkubwa kwenye nchi mbali mbali ulimwenguni na hata kupata heshima ya nyota tano nchini Uingereza ambapo Mrisho yeye mwenyewe akiucheza mchezo huo kama mhusika mkuu.

Kwa taarifa kamili BOFYA HAPA