Umoja wa Mataifa wasema Hali Ni Tete Na Ya Hatari Jamhuri Ya Kidemokrasia Ya Kongo

Mwakilishi Maalum wa Katibu wa Umoja wa Mataifa katika Jamhuri ya Kidemokrasia ya Kongo,Bw. Rogers Meece akitoaa taarifa mbele ya Baraza Kuu la Usalama ambapo alionya kwamba hali ni tete na ya hatari nchini DRC kiasi cha kuwapo uwezekano mkubwa wa kuibuka machafuko wakati wowote. Akalitaka Baraza hilo kuridhia upelekeji wa Brigedi mpya ili pamoja na masuala mengine ikasaidie kuimarisha hali ya ulinzi na usalama. Aidha amelisihi pia Baraza Kuu kuridhia matumizi ya nguvu katika harakati hizo za kutatufa amani ya kudumu nchini DRC.