WAZIRI NCHIMBI AWAPASHA WAFANYAKAZI WA WIZARA YAKE MJINI DODOMA

Waziri wa Mambo ya Ndani ya Nchi, Dk Emmanuel Nchimbi akizunguma na wajumbe wa Baraza la Wafanyakazi wa Wizara hiyo kabla ya kufungua mkutano wa siku mbili wa baraza hilo unaofanyika katika Hoteli ya St. Gasper mjini Dodoma. Wa pili kutoka kushoto ni Katibu Mkuu wa wizara hiyo, Mbarak Abdulwakil, kushoto ni Mwenyekiti wa Chama cha Wafanyakazi wa Serikali Kuu na Afya (TUGHE) tawi la Wizara ya Mambo ya Ndani ya Nchi, Edson Nyinyimbe. Kulia ni Katibu wa Tughe Mkoa wa Dar es Salaam, Gaudensia Kadyango, anayefuata ni Mwenyekiti wa chama hicho Mkoa wa Dar es Salaam, Hassan Kaumo. Katika kikao hicho Dk Nchimbi aliwataka wafanyakazi waashirikiane ili kuleta mafanikio ndani ya wizara hiyo muhimu katika maendeleo ya nchi.

Sehemu ya wajumbe wa Baraza la Wafanyakazi wa Wizara ya Mambo ya Ndani ya Nchi wakimsikiliza kwa makini mgeni rasmi Waziri wa Mambo ya Ndani ya Nchi, Dk Emmanuel Nchimbi (hayupo pichani) wakati alipokuwa anatoa hotuba ya kufungua mkutano wa wafanyakazi wa siku mbili unaofanyika katika Hoteli ya St. Gasper mjini Dodoma.

Waziri wa Mambo ya Ndani ya Nchi, Dk Emmanuel Nchimbi (wa tatu kutoka kulia waliokaa) akiwa katika picha ya pamoja na wajumbe wa Baraza la wafanyakazi wa Wizara ya Mambo ya Ndani ya Nchi. Picha na Felix Mwagara.