ABIRIA WATISHIA KUANDAMANA KUPINGA STAND MPYA YA MABASI NACHINGWEA MKOANI LINDI

Na Abdulaziz Video

Baadhi ya Abiria na Wasafishaji wa Abiria wilayani Nachingwea,mkoa wa Lindi wametishia kuandamana na kususia kutumia kituo kipya cha Mabasi wilayani huo kutokana na kutokamilishwa kwa miundo mbinu ikiwemo kutowepo kwa sehemu ya kupumzikia Abiria.Umeme,maji na Umbali wa kituo cha Mwisho hadi kituo kikuu kipya ambacho kipo pembezoni mwa mji.

Wakizungumza na mtandao huu,jana Ahmeid Mmow na Abdallah Ng’itu kwa niaba ya abiria waliitaka Halmashauri hiyo kuharakisha inakamilisha huduma walizobainishiwa na uongozi wa wasafirishaji ikiwemo uwepo wa kituo kidogo cha kushushia abiria katikati ya mji ili kupunguza gharama huku wengine wakiwa walemavu na wagonjwa ambao hawana uwezo wa kugharamia bodaboda hadi kwenye kituo hicho kipya.

Mmow alisema kuwa abiria hawana tatizo la kituo hicho kuamishwa bali wanachohitaji ni kuhakikisha huduma muhimu zinapatikana na kuwa bila kufanya hivyo wasafiri wa wasafirishaji watafanya maandamano makubwa kupinaga hatua ya halmashauri hiyo kuwamisha kituo bila kukamilisha mabmbo muhimu.

“ Hatuna tatizo la kuhamia kwenye kituo hicho kipya bali tunachohitaji ni kuhakikishiwa halmashauri inakamilisha mahitaji hasa jengo la kupumzikia abiria na warejeshe vituo vingine”alisema Mmow.

Uamuzi wa Halmashauri hiyo ya Wilaya kufunga kituo cha Mabasi cha awali kimezua malalamiko makubwa kufuatia uwepo wa kituo kipya kuwa nje ya mji na kupelekea ongezeko Kubwa la gharama za usafiri na uhakika mdogo wa usalama wao pindi basi litapoingia usiku au Alfajiri kwa kuanza safari.

Mwenyekiti wa wasafirishaji wilayani Salum Jabu alisema kuwa kufuatia tatizo hilo ambalo kwa kiasi kikubwa kinawaathiri wasafiri wengi ambao wanatoka nje ya mji kwani wanakosa mahali pa kulala kwani awali abiria wengi ambao hawana uwezo wa kulala kwenye nyumba za wageni walikuwa wanapata mahali pa kulala kwenye ofisi za wakala wa kusafiriashia kitu ambacho kwa sasa haiwezekeni kutokana na eneo la kituo kipya kutokuwa na majengo.

Hali ni tofauti kwani wakati wasafiri na wasafirishaji wakilalamika madereva wa boda boda wao wanaona kuwa hiyo ni fursa kwao kwani wanapata kpato kikubwa kwa kuwasafirisha abiria hadi kituo hicho kipya au kwenye kituo cha pili ambacho kipo Stesheni zakizungumnzia hilo mwakilishi wa waendesha bodaboda Abdalah Ngitu alisema kuwa kwa sasa kwao ni biashara mzuri kwani kutokana na umbali ba hali ya usalama wananlazimika kusafirisha abiria mmoja kwa kati ya shilingi 3000 hadi 5000 kwa muda wa usiku.

Akizungumzia malalamiko hayo Kaimu Mkurugenzi Mtendaji wa Halmashauri ya Wilaya Nachingwea,Arbogast Kiwale alikiri na kudai kuwa kwa sasa halmashauri imeamua kufungua kituo hicho na kuwa tayari ujenzi wa mahali pa kupumzikia abiria lipo kwenye hatua za mwisho na kutarajiwa kuwa limekamilika muda mfupi ujao.

Sehemu ya Mabasi yakiwa yamepaki kwenye kituo hicho.

Abiria

Vibao vinavyoonyesha namna ya mabasi yatakavyoegeshwa,japo hakuna hata moja lililopo.

Basi zikipishana