MKAAZI WA LINDI APORWA NA KUCHOMWA MOTO, MMOJA MBARONI SITA WASAKWA

Na Abdulaziz,Lindi 

 Mtu mmoja alietambulika kwa jina la Ismai Mayoba(31)anaefanya kazi Bar ya Mangrove,Mkazi wa Jamhuri, Manispaa ya Lindi, amenusurika kifo baada ya kuvamiwa na kundi la Vijana waliotaka kumpora na hatimaye kumchoma moto.

Mayoba amelazwa katika Hospital ya Sokoine Mjini humo Kufuatia tukio hilo,Jeshi la Polisi wilayani Lindi limefanikiwa kumkamata mmoja kati ya watuhumiwa saba wanaosadikwia walihusika na tukio hilo lilitokea katika eneo la Mtaa wa Congo.

Akithibitisha  tukio hilo na kukamatwa kwa mtuhumiwa, Afisa Mnadhimu wa Jeshi la Polisi Mkoa wa Lindi,Renatha Mzinga alimtaja Ally Manially (22) mkazi wa mtaa wa Kongo kuwa anashikiliwa na Jeshi hilo na atafikishwa mahakamani leo kujibu shitaka la kujeruhi na kujipatia pesa kwa njia ya udanganyifu ikiwa pamoja na kumchoma mwenzie Moto huku akijua ni kosa kisheria 

Aidha Mzinga alieleza kuwa Jeshi la polisi linaendelea kutafuta watuhumiwa wengine 6 waliohusika na tukio hilo Taarifa zaidi tutawaletea kuhusiana na tukio hilo