NEWS ALERT: BABA MZAZI WA WEMA SEPETU,BALOZI ISAAC SEPETU AFARIKI DUNIA

Wema Sepetu akiwa na baba yake Balozi Isaac Sepetu siku alipotangazwa kuwa Miss Tanzania 2006. Kati ni mfadhili wa gari la zawadi alilopewa Wema kwa ushindi huo, Tanil Somaia

Taarifa iliyoifikia Globu ya Jamii asubuhi hii inaeleza kuwa Balozi Issac Abraham  Sepetu ambaye ni Baba mzazi wa Miss Tanzania 2006,Wema Sepetu amefariki Dunia asubuhi ya leo kwenye Hospitali ya TMJ Mikocheni jijini Dar es Salaam.

Taarifa za awali zinasema kuwa,Balozi Sepetu alikuwa amelazwa katika hospital ya TMJ alikokuwa akitibiwa ugonjwa wa Kisukari na kiharusi uliokuwa ukimsumbua.

Hadi Mauti yanamkuta,Balozi Isaac Sepetu alikuwa ni Mwenyekiti wa Bodi ya Wakurugenzi ya Mamlaka ya Uwekezaji wa Vitega Uchumi Zanzibar. Mipango ya mazishi inaendelea nyumbani kwa marehemu Sinza Mori jijini Dar es salaam, jirani na hostel za Chuo Kikuu.

Globu ya Jamii inaungana na Waombolezaji wote wa Msiba huu na Mwenyezi Mungu Mwingi wa Rehema na Mwenye Kurehemu, Aiweke Mahala Pema Peponi Roho ya Marehemu Balozi Isaac Abraham Sepetu.

-Amen.