News alert: watu wanne wapoteza maisha, 63 wajeruhiwa katika ajali ya treni ya abiria New York Leo

Watu wane wamekufa na wengine 63 kujeruhiwa baada ya Treni ya abiria kuacha reli na kupinduka katika sehemu yenye kona kali maeneo ya Bronx jijini New York, Marekani, mamlaka zimeeeleza.

Gavana Cuomo amesema marehemu watatu wamekutwa nje ya treni na mmoja ndani yake, Hakutaja majina kwa kuwa familia zao bado kujulishwa, na kwamba majeruhi 11 wako mahututi, akiwemo dereva wa treni hilo.

Msemaji wa Metropolitan Transportation Authority, Bi Marjorie Anders amesema sehemu hiyo yenye kona kali iko katika eneo la mwendo mdogo, na kwamba kifaa cha mawasiliano kijulikanacho kama  black box kitafafanua treni hio ilikuwa inasafiri kwa mwendo gani.

Ripota wa Globu ya Jamii aliyekuwa eneo la tukio anafuatilia kujua kama kuna Mtanzania aliyehusika katika ajali hiyo, ikizingatiwa kwamba New York kuna Watanzania wengi wanaoishi jijini humo.