WAZIRI MKUU Mizengo Pinda ametoa mwezi mmoja kwa Baraza la Taifa la Mazingira (NEMC) iwe imetoa mapendekezo kwa Serikali kuhusu matumizi ya maji machafu yanayotokea kwenye viwanda vinne vya ngozi, magunia, nguo na maturubali (canvas).
Ametoa agizo hilo leo mchana (Jumamosi, Desemba 7, 2013) mara baada ya kufanya ziara ya kushtukiza kwenye kiwanda cha nguo cha 21st Century kilichopo eneo la Kihonda Viwandani nje kidogo ya mji wa Morogoro.
Akizungumza na uongozi wa mkoa, wilaya, kiwanda hicho pamoja na NEMC ya mara baada ya kutembelea eneo ambalo limeathirika na maji yanayotiririka kutoka kwenye viwanda hivyo, Waziri Mkuu alisema tatizo lililopo linachangiwa na kutokuwepo kwa mtu au taasisi maalum ya kusimamia mabwawa ya mfumo wa majitaka (waste management ponds).
“Viwanda hivi vilibinafsishwa lakini mfumo wa usafishaji majitaka haukubinafsishwa... NEMC iishauri Serikali nini kinapaswa kifanyike. Ifanye utafiti kuhusu matumizi ya majitaka yanayotoka kwenye viwanda hivi na ilete uchambuzi huo Serikalini,” alisema.
Hayo mambo ya uzembe kama huo wa hicho kiwanda,na kuathiri maisha ya watu kingefungwa mara moja,Kama ingekuwa nchi zilizo makini
ReplyDeleteKwa ujumla Morogoro hata watu wanakunywa maji machafu. Maji yatokayo bwawa la Mindu ambayo hunywewa na watu wa Mazimbu, Kihonda na Msamvu ni machafu sana na hayafai kunywa. Yanatoka na tope jingi na ya harufu mbaya. Serikali inagalie uwezekano wa ama kuyasafisha ama kuacha kabisa kutumia maji hayo kwa kunywa. Serikali ibuni vyanzo vingine vya maji.
ReplyDelete