NEWS ALERT:MWENYEKITI WA CHAMA CHA WAANDISHI WA HABARI MKOA WA IRINGA AWEKWA CHINI YA ULINZI KWA KUDAIWA KUPIGA PICHA MAHAKAMANI, AACIWA BAADA YA MUDA

Polisi  wamemakamata  mwenyekiti wa chama cha  waandishi wa habari  mkoa  wa Iringa (IPC) Frank Leonard (wa nne kushoto)  wakimtuhumu kupiga  picha mahakamani. Hadi  sasa amewekwa  chini ya ulinzi wa polisi huku kesi ya mtuhumiwa wa mauwaji ya Mwangosi ikiendelea kusomwa.  
Habari mpya zinasema  askari  wa  jeshi la polisi mkoa  wa  Iringa  wamemwachia huru  Frank Leonard  aliyekamatwa ndani ya  chumba  cha mahakama  wakati akifuatilia mwenendo wa  kesi ya mtuhumiwa wa mauwaji ya aliyekuwa mwenyekiti wa IPC Marehemu  Daudi Mwangosi.

Polisi hao  wamemwachia  huru  Leonard  baada kwa kile kinachosadikiwa kutokuwa na   ushahidi  kuwa  amepiga picha mahakamani wakati mtuhumiwa  wa mauwaji hayo ambae ni askari polisi akisomewa mashtaka yake.

Mwanahabari huyo amesema yeye hakuwa amewasha kamera yake mahakamani hapo  bali alikuwa ameshika simu yake kabla ya askari mmoja  kusimama na kumkamata ndani ya mahakama  wakati  kesi hiyo ikiendelea.