BAN KI MOON AWACHAGIZA WANAWAKE KUENDELEA KUTETEA FURSA SAWA

Katibu Mkuu wa Umoja wa Mataifa, Ban Ki Moon, akifungua mkutano wa 58 wa Kamisheni kuhusu Hali ya Wanawake ( CSW) Mkutano huu wa wiki mbili unafanyika hapa Makao Makuu ya Umoja wa Mataifa, na unawakutanisha wanawake wa kada mbalimbali kutoka Serikali Kuu na Asasa za Kiraia. Akifungua mkutano, Katibu Mkuu, pamoja na mambo mengine amewataka wanawake kuendelea kutetea fursa za kijinsia, kupinga ubaguzi wa aina zote na kuhakikisha kwamba sauti ya wanawake na watoto wa kike inaendele kusikika katika ajenda mpya za maendeleo baada ya 2015. Kulia kwake ni Muwakilishi wa Kudumu wa Ufilipino katika Umoja wa Mataifa, Balozi Libran Cabactulan ambaye pia ni Mwenyekiti wa Mkutano .

Ujumbe wa Tanzania katika Mkutano huu, unawahusisha washiriki kutoka pande zote za Muungano, Tanzania Bara na Visiwani. Pichani ni Bi. Asha Ali Abdulla, Katibu Mkuu, Wizara ya Uwezeshaji, Maendeleo ya Jamii, Vijana, Wanawake na Watoto, Serikali ya Mapinduzi Zanzibar, Balozi Tuvako Manongi, Muwakilishi wa Kudumu wa Jamhuri ya Muungano wa Tanzania katika Umoja wa Mataifa, Mhe. Jaji Imani Daud Aboud kutoka Mahakama ya Rufaa ya Tanzania, na Bi. Joyce Mlowe, kutoka Wizara ya Katiba na Sheria wakifuatilia hotuba ya ufunguzi.

Sehemu ya Ujumbe wa Tanzania kutoka kulia Bi. Halima Abdulrahman Omar, Mtaalamu wa Masuala ya Jinsia, Wizara ya Uwezeshaji, Maendeleo ya Jamii, Vijana, Wanawake na Watoto- Zanzibar, Bi Mhaza Gharib Juma, Mkurugenzi wa Mipango, Sera na Utafiti, Wizara ya Uwezeshaji, Maendeleo ya Jamii, Vijana, Wanawake na Watoto- Zanzibar, na Bi. Ellen Maduhu, Afisa wa Uwakilishi wa Kudumu anayeshughulikia Kamati ya Tatu ya Baraza Kuu la Umoja wa Mataifa inayohusika na Masuala ya Maendeleo ya Jamii na Haki za Binadamu.

Na  Mwandishi Maalum

 Ikiwa  imebakia miezi michache  kufikia kilele  cha utekelezaji wa Malengo ya Maendeleo ya  Millennia ( MDGs), Katibu Mkuu wa Umoja wa Mataifa, Ban Ki Moon amewataka wanawake kuendelea kupigania haki zao pamoja na za mtoto wa kike.

Mkuu huyo wa Umoja wa Mataifa,  ametoa wito huo  siku ya jumatatu,  mbele ya  mamia ya wanawake kutoka mataifa mbalimbali duniani kote ambao wapo  hapa Makao Makuu ya  Umoja wa Mataifa kuhudhuria mkutano wa 58 wa   Kamisheni kuhusu Hali ya Wanawake  ( CSW).

Tanzania inawakilishwa katika  mkutano huu ambao ni wa wiki mbili na wajumbe kutoka pande zote za Muungano – Tanzania Bara na  Tanzania Visiwani.

BOFYA HAPA KUSOMA ZAIDI