Michuzi Blog Exclusive: Taswira za wajumbe wanaopiga tizi kila siku asubuhi

Profesa Mark Mwandosya akila tizi mapema asubuhi hii mjini Dodoma. Ameiambia Globu ya Jamii kwamba yeye bila kukimbia asubuhi na jioni mwili humuwasha sana na hafanyi kazi vizuri. Kila siku anakimbia kilomita 2. Pia yeye ana mkanda wa kahawia wa Goju Ryu Karate, hivyo yuko fiti

Kamera yetu pia imewakamata Mhe. Cynthia Ngoye na Mhe.Amina Makilagi,Wajumbe wa Bunge maalumu la Katiba wakifanya mazoezi ya kutembea mapema leo mjini Dodoma. Mhe. Ngoye ametuambia kwamba wao hutembea umbali wa kilomita 3 kila siku katika kujiweka sawa kimwili na kifikra kabla ya kuingia bungeni. Chini ni Mhe Yahya Kassim Issa,ambaye ni bingwa wa Marathon Bungeni

Wajumbe Mhe.Zarina Madabida na Mhe.Zainab Vullu, wakitembea. wao wanasema hukimbia kilomita moja na kutembea kilomita mbili kila siku asubuhi. Mhe Vullu pia ni Centre mzuri sana kwenye Netball wakati mama Madabida anapenda kuwa refa tu

Upande wa pili wa mji wa Dodoma tumekutanma pia na wajumbe Mhe.Yahya Kassim Issa na Mhe.Prof.Makame Mbarawa wakifanya mazoezi.  Waheshimiwa hawa wanasema wao hutembea umbali wa kilomita 5 kila siku asubuhi ili kujiweka sawa na majukumu ya kila siku.
Hawa hawajasema wanapenda mchezo gani lakini kuna fununu wako fiti sana katika kuogelea

Mhe.Haji Fakih Shaah na Mhe Said Ali Mbarouk pia hawakosi katika kupasha moto viungo kila asubuhi na jioni. Hawajatuambia wao ni mabingwa wa mchezo gani ila Mhe Shaah anasifika kwa soka na Mhe Mbarouk kacheza sna hockey alipokuwa skuli

Mhe.Stephen Masele,Mjumbe pekee anayecheza mchezo wa kutupa tufe na mkuki. Naye hakosi kula tizi kila kukicha

Mjumbe Mhe.Mwanakhamis Kassim Said pia hakosi kujilawa kila asubuhi kukimbia na kutembea mjini Dodoma. Anasema yeye pia ni mcheza Judo na anasikitika hana patna wa kufanya naye mazoezi hapa Dodoma