Wananchi Wilayani Mpanda waaswa kutunza vyanzo vya maji na mazingira

Na Kibada Kibada –Katavi

Wananchi wa Halmashauri ya wilaya ya Mpanda wamepewa changamoto kutunza vyanzo vya maji na kuhifadhi  mazingira  kwani kuharibu mazingira kunapelekea kuchangia ukame na kukosekana na maji ambayo  ndiyo uhai wa viumbe na tegemeo la maisha ya wanadamu na wanyama.

Changamoto hiyo imetolewa na Mwenyekiti wa Halmashauri ya Mpanda Kibiriti Yasini wakati akiwahutubia wakazi wa kijiji cha Milala Kata ya Kabungu kwenye  maandalizi ya wiki ya maji inayotarajiwa kufanyika kilelele cha machi 22 mwaka huu.

,Kibiriti mewataka kutoa ushirikiano wa karibu kila mtu kwa nafsi yake kuhakikisha anatimiza wajibu wake katika kulinda,kutunza na kuhifadhi mazingira kwa faida ya vizazi vilivyopo na vijavyo.

Katika hotuba yake hiyo alisisitiza wananchi watoe ushirikianao wa thati  kutunza vyanzo vya maji na kuilinda miradi ya maji iliyopo katika katika kijiji hicho na kuiona kuwa ni mali yao  na itawasaidia kwa manufaa ya wote hivyo ni wajibu wao kuitunza na kulinda. Kwa kuwa  mradi wa ,maji uliopo hapo kijijini utawaondolea kero ya muda mrefu iliyokuwa ikiwabaili hasa wanawake na watoto ndio wanaotabika kwa kukosa maji sehemu yeyote ile.

Akizungumzia  maandalizi ya wiki ya  maji kila mwaka  alisema kila mwaka  huambatana na utoaji wa elimu juu ya utunzaji wa mazingira,na uhifadhi wa vyanzo vya maji ikiwa ni sehemu ya utekelezaji wa ilani ya chama tawala,kwa kutambua  umuhimu serikali imefanya juhudi za kuhakikisha inwaondolea wananchi wake kero ya upatikana wa maji na kuwasogezea karibu wananchi maji.

Alieleza kuwa Katika kijiji cha milala vituo kumi vya kuchotea maji vimejengwa na wananchi watapata maji hivyo kuwaondolea kero iliyokuwa ikiwakabili wakazi hao na Halmashauri yake kwa kushirikiana na Serikali kuu kwa kutekeleza mpango wa matokeo makubwa sasa Big Results Now  (BRN).

Hata hivyo amemwagiza Kaimu Mhandisi wa maji katika Halmashauri hiyo kuhakikisha wananchi wa kijiji cha Milala kero ya ukosekanaji wa maji inakwisha kwa kuwa halmashauri imejipanga kutekeleza na kuwaondolea kero hizo.

Kwa upande wa upatikanaji wa maji katika halimashauri ya wilaya ya Mpanda  ni wastani wa asilimia 48 tu ambapo hali hiyo ni kiasi kidogo lengo ni kuhakikisha asilimia hiyo inaongezeka angalau kila kijiji kiwe na maji ya uhakika.

Aidha aliwaeleza wananchi hao kuwa ifikapo juni 2014 miradi ya maji ya katika vijiji vya Isenga Kata ya MIshamo,Ikola Kabungu na Karema itakuwa imekamilika kwa karibu asilimia 75,na kwasisistiza kuwa miradi hiyo ni mali yao waitunze na kuienzi pia wanachangia mifuko ya maji ili kuimarisha mifuko kwa kuwa na mifuko wa maji utasaidia katika matatizo madogo madogo yanayojitokeza katika maradi kama ukarabti kwa kununua vifaa vidogovidogo vya matengenezo ili maji yaendelee kuwanufaisha wananchi.

Awali Afisa Mtendaji wa Kijiji cha Milala Rosemary Omera akisoma taarifa ya kijiji alieleza kuwa kijiji kilikuwa kinakabiliwa na matatizo ya maji lakini kupatikana kwa mradi wa maji katika kijiji hicho kumesaidia kwaondolea kero iliyokuwa ikiwakabili.

Ingawa wakazi wa kijiji hicho wanakabiliwa na changamoto ya uharibifu wa mazingira unaoambatana na uingiaji wa mifugo kiholela hali inayochangia uharibifu wa mazingira na hasa vyanzo vya maji katika maeneo mengi hapa kijijini.

Akawataka wananchi wajenge utamaduni wa kutunza na kuhifadhi mazingira ili kusaidia kuhifadhi vyanzo vya maji pia aliomba serikali iendelee kuwaletea miradi mingine ya maji na has katika shule ya Sekondari y  ufundi ya Milala amabayo inakabiliwa na tatizo la maji safi na salama.

 Mwenyekiti wa Halmashauri ya Wilaya ya Mpanda Yasini Kibiriti akiwahutubia wananchi wa kijiji cha Milala  Kata ya Kabungu Wilayani Mpanda wakati wa maandalizi ya maazimisho ya  wiki ya Maji sherehe zilizofanyika kwenye uwanja wa mikutano  Kijiji cha  Milala.

Wanafunzi wa Shule ya Sekondari Milala waliofika kujumuika na wazazi wao katika sherehe za maandalizi ya wiki ya Maji, kama ilivyo kwa wanafunzi kujenga tabia ya kusoma alikuwa alikuwa  akisoma gazeti la Mpandaleo linalotolewa na Halmashauri ya wilaya ya Mpanda, mwanafunzi huyo alikuwa  akisubiri mchakato wa mzima wa sherehe za maandalizi akiwa na  wananfunzi wenzake waliofika kushuhudia maandalizi hayo .

Wakazi wa kijiji cha milala wakichuana kunywa pombe ya kienyeji aina ya Komoni katika kusherehesha maandalizi ya wiki ya maji katika halmashauri ya Mpanda mshindi katika mpambano huo alijinyakulia kitita cha shilingi elfu kumi.