matapeli walamba email ya Mchezaji wa zamani wa Yanga na Taifa Stars Ally Mayay Tembele

Mchezaji wa zamani wa Yanga na Taifa Stars Ally Mayay Tembele (pichani) anawaarifu ndugu, jamaa na marafiki pamoja na jamii ya Tanzania kwa jumla kwamba email address yake ya maya@yahoo.com imeibwa na matapeli na kuanza kutumika vibaya (phishing) kwa kudai kuwa yeye yupo Ukraine na amekumbwa  na matatizo hivyo anaomba msaada wa pesa haraka.

Mbaya zaidi, katika email yake hiyo Ally Mayay Tembele aliwahi kuambatanisha nyaraka nyeti kadhaa ikiwemo pasipoti ambazo wezi hao wanazitumia kama alama ya uthibitisho kuwa wao ni yeye. Hao jamaa ni wezi na waongo wakubwa. Msiwape ushirikiano kabisa.

Ukweli ni kwamba Ally Mayay Tembele yupo Dar es salaam na wala hajasafiri kwenda nje ya nchi hivi karibuni. Hivyo anaomba yeyoye anayeletewa email hiyo ya mayayt@yahoo.com aidharau na wala asitoe ushirikiano wowote na hao watumaji. Ni wezi na matapeli.