ABIRIA WA TRENI MKOANI KIGOMA KUTUMIKA KITUO KIDOGO CHA KATOSHO BADALA YA STESHENI YA TRENI YA KIGOMA KWA TRENI ZA ABIRIA KUANZIA FEBRUARI 18, 2015

Uongozi wa Kampuni ya Reli Tanzania –TRL unasikitka kutangaza kuwa treni za abiria za kwenda Kigoma hazitofika katika stesheni ya Kigoma badala yake zitatumia kituo kidogo cha Katosho.

Kwa mujibu wa wa taarifa ya Uongozi wa TRL lilitolewa Februari 16, 2015 uamuzi wa treni  kutofika katika stesheni ya Kigoma  unatokana na mvua kubwa zinazoendelea kunyesha mjini  Kigoma na hivyo kuzoa mchanga ambao umefunika tuta la reli katika eneo la  stesheni ya Kigoma.

Kwa mujibu wa taarifa hiyo abiria wote wanaowasili na wale wanaondoka Kigoma itawalazimu kujitegemea usafiri  kwenda makwao  na pia wale watakaosafiri  kuja Tabora na Dar es Salaam kwa kutumia kituo kidogo cha Katosho.

Mara baada ya hali kutengemaa na kurekebishwa miundo mbinu ya reli katika stesheni ya Kigoma huduma zitarejeshwa kama kawaida.

Aidha Uongozi wa TRL unawaomba  radhi wateja wake na wananchi  kwa jumla hasa wa mkoa wa Kigoma kwa usUmbufu utakajiotekeza .

Imetolewa na Afisi ya Uhusiano ya TRL kwa Niaba ya 

Mkurugenzi Mtendaji ,

Mhandisi Kipallo Aman Kisamfu

Dar es Salaam,

Februari 18, 2015