UBORESHAJI WA DAFTARI LA KUDUMU LA WAPIGA KURA MKOANI NJOMBE

Tume ya Taifa ya Uchaguzi inawatangazia wananchi wote wa Mkoa wa Njombe, kuwa itaanza zoezi la Uboreshaji wa Daftari la Kudumu la Wapiga Kura kwa kutumia teknolojia ya “Biometric Voters Registration” kuanzia tarehe 16/03/2015 hadi tarehe 12/04/2015.   Aidha katika kata ya Utengule ya Mji mdogo wa Makambako Uboreshaji utafanyika kuanzia tarehe 9-15/03/2015. Uandikishaji huo utahusisha Halmashauri zifuatazo:-

Mkoa	Wilaya	Kata	Idadi ya Vituo	Tarehe Ya Uandikishaji
NJOMBE	NJOMBE TC	ZOTE		16/03 – 12/04/2015
	WANGING’OMBE DC	ZOTE
	NJOMBE DC	ZOTE
	LUDEWA DC	ZOTE
	MAKETE	ZOTE
	MAKAMBAKO	UTENGULE	12	11-17/03/2015

Vituo vya Uandikishaji vitakuwa kwenye Vijiji, Vitongoji na Mitaa

 Watakaohusika katika zoezi hili ni wananchi wote:-

·         Waliotimiza umri wa Miaka 18 na  kuendelea  na wale wote  watakaotimiza miaka 18 ifikapo mwezi Oktoba, 2015.

·         Waliojiandikisha awali kwenye Daftari la Kudumu la Wapiga Kura la zamani ili kuhuisha taarifa zao na kupata kadi mpya za kupigia kura.

·         Wale wote ambao wanazo sifa za kujiandikisha  lakini hawajawahi kujiandikisha kwenye Daftari.

Tume ya Taifa ya Uchaguzi inasisitiza wananchi wote wa Mkoa wa Njombe  kujitokeza kwa wingi kuanzia tarehe 16/03/2015 mpaka  tarehe 12/04/2015 kujiandikisha katika Daftari la Kudumu la Wapiga Kura ili kuwawezesha kupiga Kura ya Maoni na kuchagua Viongozi wao katika Uchaguzi Mkuu wa mwaka huu 2015.

Vituo vya kujiandikisha vitafunguliwa kuanzia saa 2:00 Asubuhi na kufungwa saa 12:00 jioni

Kumbuka:- Hutaweza kupiga Kura ya Maoni au Kupiga Kura wakati wa Uchaguzi Mkuu kama utakuwa hujajiandikisha katika Daftari la Kudumu la Wapiga Kura. 

Nenda kajiandikishe sasa. 

Tangazo hili limetolewa na

 Tume ya Taifa ya Uchaguzi, S.L.P. 10923, Dar es Salaam