SHIVYAWATA WATAKA MAZINGIRA RAFIKI YA ELIMU KWA SERIKALI YA AWAMU YA TANO

 Mwenyekiti wa Taifa wa Shirikisho la Vyama Watu wenye Ulemavu Tanzania(SHIVYSWATA) Amon Anastaz Mpanju akizungumza na wandishi wa habari hawapo pichani juu ya kumpongeza  Rais   John Pombe Joseph Magufuli kwa kutimiza ahadi yake ya kuyajali  na kuyapa kipaumbele masuala ya watanzania wenye ulemavu kwa uteuzi wa Naibu Waziri wa Ofisi ya Waziri Mkuu Sera,Bunge,Kazi Vijana na Ajira  Dk.Abdallah Possy, kulia ni Mwekahazina Alias Masamaki

 Waandishi wa habari wakimsikiliza Mwenyekiti wa Taifa wa Shirikisho la Vyama Watu wenye Ulemavu Tanzania(SHIVYSWATA) Amon Anastaz Mpanju.(picha na Emmanuel Massaka wa Globu ya jamii).

 

Na Chalila Kibuda,Globu ya Jamii

SHIRIKISHO la Vyama vya Watu Wenye Ulemavu (Shivyawata), limesema kuwa changamoto zinazowakabili watu wenye ulemavu nchini ni ukosefu wa mazingira rafiki  ya kupatia elimu kwa jamii hiyo.

Akizungumza na waandishi wa habari jijini Dar es Salaam, Mwenyekiti wa Shivyawata , Amon Mpanju amesema kuwa kwa serikali ya awamu ya tano iweke mkazo katika mazingira ya watu wenye ulemavu ikiwemo na upataji wa habari kwa kundi la watu wasiosikia.

Mpanju amesema kuwa watu wenye ulemavu wamekuwa na sera lakini hajawahi kutekelezwa katika serikali zilizopita hivyo kwa serikali ya awamu ya tano  itekeleze sera kwa vitendo.