Shukrani na Taarifa ya Arobaini

Familia ya marehemu Mwalimu Ngore N. Kondo wa Chang’ombe, Dar es salaam tunapenda kutoa shukrani zetu za dhati kwa ndugu, jamaa na marafiki walioshirikiana nasi kwa kutufariji kwa hali na mali katika kumuuguza mpaka kumzika baba yetu mpendwa aliyefariki tarehe Novemba 28, 2015 katika hospitali ya Regency na kuzikwa tarehe Novemba 29, huko  Chamazi.

  Shukrani za pekee ziwafikie Madaktari, Wauguzi na Wafanyakazi wa hospitali za Hindu Mandal na Regency za hapa DSM. Pia shukrani ziwafikie Uongozi na wafanyakazi wa Chuo cha Watumishi wa Umma (Magogoni) ambapo marehemu alifanya nao kazi kwa zaidi ya miaka thelathini (30). Na pia shukrani ziwafikie Uongozi na wafanyakazi wa Benki Kuu ya Tanzania, Hospitali ya Aga Khan pamoja na Kinondoni 'B' Dispensany & Medical consultant na Benki ya NMB ambako watoto wa marehemu Hadija, Nasra na Abdul ni watumishi wa taasisi hizo.

  Ni vigumu kuwashukuru wote kwa majina.  Tunawashukuru wote, ndugu, jamaa, marafiki na majirani wa Chang’ombe na Chamazi kwa ushirikiano wenu mkubwa.

  Tunapenda pia kutumia nafasi hii kuwataarifu na kuwakaribisha katika shughuli ya arobaini na hitma ya marehemu baba yetu mpendwa itakayofanyika Jumapili ya tarehe 3 Januari, 2016 saa sita mchana nyumbani Chang’ombe.

  Inna Lillahi wa inna ilayhi Rajiun 

“Hakika, sisi ni wa mwenyezi mungu 

na hakika kwake tutarejea” – Quran 2:156