WAZAZI WAMETAKIWA KUWAPELEKA WATOTO KUPATA MATONE YA VITAMIN 'A'

Na Chalilla Kibuda,Globu ya Jamii

WAZAZI na walezi nchini wametakiwa kuwapeleka 

watoto wao kwenye vituo vya afya ili wakapate matone 

ya vitamini A na dawa za minyoo ili kujikinga na maradhi 

mbalimbali yatokanayo na kukosekana kwa vitamini 'A'.

Wito huo umetolewa Dar es Salaam na Mtaalamu wa 

Chakula na Lishe kutoka Taasisi ya Chakula na Lishe

Tanzania (TFNC), Francis Modaha, wakati alipokuwa 

akizungumza na waandishi habari kuhusu uhamasishaji wa 

utoaji wa matone ya vitamini A na dawa za minyoo.

Amesema matone ya vitamini 

'A'

 yanatolewa kwa watoto wenye

umri wa miezi sita na miaka mitano mara mbili kwa mwaka ambapo kwa Tanzania hutolewa mwezi Juni na mwezi Desemba.

Modaha amesema wakati ziezi la utoaji wa matone ya Vitamini A likiendelea kwa awamu ya pili sasa mwezi huu, pia watoto wote wenye umri wa mwaka mmoja hadi miaka mitano hupatiwa dawa ya minyoo.

"Matone ya vitamini A na dawa za minyoo zinatolewa

katika vituo vyote vya afya,ambapo kazi ya utoaji 

ilianza Desemba Mosi mwaka huu na itaendelea hadi 

mwishoni wa mwezi huu, naomba wazazi walezi kuwapeleka watoto wenu ili wakapate huduma hizo”amesema Modaha.

Modaha, alitoa wito kwa wazazi na walezi kufahamu umuhimu wa vitamini 

'A'

 kwa ukuaji mzuri wa watoto wao kiafya.

Alitaja baadhi ya sababu za upungufu wa vitamini

'A'

 kuwa ni pamoja na ulaji duni usiokidhi mahitaji ya vitamini

'A'

 unyonyeshaji wa watoto maziwa ya mama usiofuata kanuni, magonjwa ya mara kwa mara na mgawanyo mbaya wa rasilimali.

Amesema vitamini 

'A'

 inahitajika kwa ajili ya ukuaji na

maendeleo mazuri ya mtoto, ikiwa ni pamoja na mifupa na macho.

Aidha amesema upungufu wa vitamini 

'A'

 unahusishwa na ongezeko vifo vya wanawake vinavyotokana na uzazi, vifo vya watoto, kutoona vizuri katika mwanga hafifu, watoto kuzaliwa kabla ya miezi tisa ya ujauzito na kasi ndogo ya ukuaji na maendeleo ya mtoto na kuongezeka kwa uwezekano wa mtoto kupata maradhi.

Alizitaja njia za kuzuia upungufu wa vitamini

'A' 

kuwa ni

pamoja na kuhamasisha unyonyeshaji maziwa ya mama pekee katika kipindi cha miezi sita ya mwanzo ya mtoto na kuendelea kumnyonyesha hadi miaka miwili na zaidi..

Alisema kumpa mtoto aliyefikisha umri wa miezi sita vyakula vya ziada ikiwa ni pamoja na vyakula vyenye 

vitamini 

'A'

 kwa wingi pamoja na kutoa nyongeza ya matone kwa watoto.