Skauti wa Afrika ya Mashariki wakutana jijini Arusha kwa mashindano ya stadi na kongamano

Skauti kutoka nchi za Afrika ya Mashariki, wapo jijini Arusha kwa mashindano ya stadi za kiskauti ambayo yalianza Jumatatu tarehe 12 Desemba 2016 na yatafikia kilele chake tarehe 16 Desemba 2016.

Kwa mujibu wa taarifa iliyotolewa leo na Kamishna Msaidizi (Mawasiliano na Habari) wa Chama cha Skauri  Tanzania, Bw. Hidan Ricco, Mashindano hayo yanafanyika katika uwanja wa shule ya Breburn International iliyopo eneo la Kisongo Arusha. 

Bw. Ricco amesema kwamba sambamba na hayo mashindano Skauti pia wanashiriki katika Jukwaa la Vijana (youth Forum) katika hoteli ya Crown iliyopo katikati ya Jiji la Arusha. sambamba na  Mkutano wa Makamishna Wakuu wa Skauti kwa nchi za Tanzania, Kenya, Uganda, Rwanda na Burundi.

Amesema shughuli zote hizo tatu  zitafikia kilele chake siku ya Ijumaa tarehe 16 Desemba 2016 na zinatarajiwa kutafungwa rasmi na Mkuu wa Majeshi wa Nchi ya Uganda. 

 Skauti kutoka Kenya   na wengine wa    nchi za Afrika Mashariki  wakipita mbele ya  mgeni rasmi wakati wa   ufunguzi wa kambi ya mashindano ya skauti nchi za afrika mashariki   inayoendelea mkoani Arusha

 Kamishna Mkuu wa Skauti Kenya bw.  Ray Charles Musau akizungumza na skauti wa nchi za Afrika Mashariki wakati  wa ufunguzi wa kambi ya mashindano inayoendelea mkoani Arusha.

 Skauti wa TZ na wengine wa  nchi za    Afrika Mashariki  wakipita mbele ya  mgeni rasmi wakati wa ufunguzi wa    kambi ya mashindano ya skauti nchi za afrika mashariki inayoendelea  mkoani   Arusha

Skauti wa Tanzania  na wengine kutoka nchi za Afrika Mashariki wakimsikiliza mgeni rasmi wakati wa ufunguzi rasmi wa     kambi ya mashindano inayoendelea mkoani Arusha.