KUMBUKUMBU

MAREHEMU MWALIMU ALOYCE THOMAS KUNDI

SEKUNDE, DAKIKA, SAA, SIKU, WIKI, MIEZI IMEPITA NA LEO NI MWAKA MMOJA TANGU SIKU ILE ULIPOITWA NA MWENYEZI MUNGU TAREHE 20/1/2016 NA KUTUACHIA UCHUNGU USIOELEZEKA.

PENGO ULILOTUACHIA HALIWEZI KUZIBIKA BALI TUNAMSHUKURU MWENYEZI MUNGU KWANI KAZI YAKE DAIMA HAINA MAKOSA. TUNAENDELEA KUMUOMBA MWENYEZI MUNGU AKUPUMZISHE KWA AMANI HADI HAPO TUTAKAPOKUTANA KWANI SISI WOTE NI WAPITAJI TU KATIKA ULIMWENGU HUU.

TUMEBAKI NA KUMBUKUMBU ZA IMANI YAKO ILIYOTUKUKA, MAPENZI YAKO YA DHATI, NA WEMA NA UKARIMU WAKO AMBAO HATUTASAHAU DAIMA. TANGU ILE SIKU MWENYEZI MUNGU ALIPOKUITA KWENYE UFALME WAKE TUMEKUWA NA WAKATI MGUMU KWA KUWA MAISHA YETU SASA HATUWEZI KUYAFANANISHA HATA CHEMBE NA WAKATI TULIPOKUWA TUNAISIKIA SAUTI YAKO, TUNAFURAHI PAMOJA NA KUSHAURIANA JUU YA MAMBO MBALIMBALI YA FAMILIA ZETU. HATA HIVYO ELIMU ULIYOTUPATIA NA UPENDO ULIOKUWA UMEUJENGA BAINA YETU UNAENDELEA KUTUWEKA PAMOJA NA KUTUPATIA NURU KWENYE NYUSO NA NYOYO ZETU KILA TUKUKUMBUKAPO.

DAIMA UNAKUMBUKWA SANA NA MKE WAKO MPENDWA CATHERINE KUNDI, WATOTO, WAKWE ZAKO,WADOGO ZAKO, WAJUKUU, WANAFUNZI WAKO, NDUGU WOTE PAMOJA NA MAJIRANI ZAKO WOTE NA WAFANYAKAZI WENZAKO ULIOWAHI KUFANYA KAZI NAO KIPINDI CHA UHAI WAKO.

RAHA YA MILELE UMPE, EE BWANA, NA MWANGA WA MILELE UINGAZIE ROHO YA MWALIMU (MSTAAFU) ALOYCE THOMAS KUNDI. APUMZIKE KWA AMANI.

AMINA.

‘IBADA YA MISA YA KUMUOMBEA BABA YETU MPENDWA ITAFANYIKA TAREHE 21/1/2017 SAA 9 ALASIRI - SUMI KIRUA VUNJO MOSHI’