StarTimes yanogesha Siku ya Wapendanao

 Kampuni ya Star Media (T) Ltd inayomiliki chapa ya StarTimes, jana katika Siku ya wapendanao iliwapatia fursa wateja wao kupata chakula cha jioni na wapenzi wao katika mgahawa wa kifahari wa Akemi, Posta jijini Dar es Salaam.

 StarTimes ambayo kwa wiki kadhaa iliwapatia nafasi wateja wake kupitia kurasa zake za mitandao ya Kijamii kutuma picha wakiwa na wapenzi wao ili kujipatia nafasi hiyo adhimu ya kupata chakula cha jioni pamoja. Katika picha zote zilizotumwa na wateja wa StarTimes katika kurasa zao za mitandao ya kijamii, watano walibahatika kuchaguliwa na baadaye walipatiwa taarifa jinsi ya kufika kwenye mgahawa kwa ajili ya zawadi maalum.

Kabla ya kupelekwa mgahawani wapenzi hao walipata nafasi ya kutembelea ofisi za makao makuu ya Star Media (T) Ltd zilizopo Bamaga, Barabara ya Bagamoyo, Dar es Salaam, na kujionea jinsi ambavyo StarTimes hufanya kazi kila siku, miongoni mwa ofisi walizotembelea ni kituo cha Simu (Call Centre), Chumba cha Kurushia matangazo na Duka la vifaa mbalimbali vya StarTimes.

Wapendanao hao baadaye walipelekwa mgahawani kwa ajili ya Chakula cha jioni. Yote ikigharimiwa na kampuni ya StarTimes katika kuonyesha upendo kwa wateja wake katika Siku ya Wapendanao.