Vijana waliohitimu Mafunzo ya JKT kundi la Mujibu wa Sheria Operesheni Makao Makuu Dodoma wametakiwa kuikemea na kujiepusha na tabia za rushwa katika jamii.
Kauli hiyo imetolewa na Mkuu wa Wilaya ya Kilolo, Asiyah Abdallah aliyekuwa mgeni rasmi wakati wa kufunga mafunzo ya JKT kwa vijana wa Mujibu wa Sheria Operesheni Makao Makuu Dodoma Kambi ya Mafinga JKT mkoani Iringa.
"Rushwa ni adui wa haki, ni vyema mkaonesha kwa vitendo namna ya kukemea na kujiepusha na matendo ya rushwa ndani ya jamii yetu" amesema Asiyah.
Naye Mwakilishi wa Mkuu wa Jeshi la Kujenga Taifa, Kanali Hassan Mabena amewataka wahitimu hao kuyatumia mafunzo ya ulinzi waliyojifunza kusaidia jamii inayowazunguka na kamwe wasiyatumie mafunzo hayo katika kuwanyanyasa wananchi.
Ameongeza kwa kusema kuwa jamii ingependa kuona kwa vitendo namna vijana watakavyokuwa msaada mkubwa kwenye masuala mbalimbali yakiwemo ya kiulinzi na usalama.
Mapema akisoma taarifa fupi ya kozi hiyo, Kamanda Kikosi cha Mafinga JKT, Luteni Kanali Issa Chalamila amesema kuwa mafunzo hayo yaliyofunguliwa tarehe 17 Jun 2019 yakiwa na vijana 1514 yamechukuwa muda wa miezi mitatu ambapo vijana 15 walikosa uzalendo na uvumilivu na kujikuta wanakimbia mafunzo hayo ya JKT.
Mkuu wa Wilaya ya Kilolo, Asiyah Abdallah akimtunuku cheti mmoja wa waliohitimu Mafunzo ya JKT kundi la Mujibu wa Sheria Operesheni Makao Makuu Dodoma, yaliyofanyika leo katika Kambi ya Mafinga JKT mkoani Iringa.
Mkuu wa Wilaya ya Kilolo, Asiyah Abdallah akikagua paredi ya waliohitimu Mafunzo ya JKT kundi la Mujibu wa Sheria Operesheni Makao Makuu Dodoma, yaliyofanyika leo katika Kambi ya Mafinga JKT mkoani Iringa.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...