MJUMITA WATOA MAFUNZO YA UTAWALA BORA NAMTUMBO

Na Yeremias Ngerangera, Namtumbo  

MPANGO  wa jamii  wa usimamizi  wa misitu  Tanzania (MJUMITA) unatoa

mafunzo  ya utawala bora  kwa  vijiji  viwili vinavyoshiriki  katika

usimamizi shirikishi  wa misitu  katika wilaya ya Namtumbo  mkoa  wa

Ruvuma  katika kijiji  cha Kilangalanga na Limamu.

Mafunzo hayo   ya siku nne  kuanzia tarehe 18 mwezi huu na yataishia

tarehe 22 mwezi huu, yakiwa na lengo la kuiwezesha kamati ya maliasili

ya kijiji kufahamu  majukumu yao ya kila siku,wafahamu  majukumu ya

serikali, wafahamu majukumu ya wadau  pamoja na kujua  kusimamia

,kutunza  hesabu  za  serikali kitaalamu.

Stanley  Baluweshi  mwezeshaji  wa mafunzo kutoka ngazi ya

Halmashauri ya wilaya ya  Namtumbo alisema katika vijiji hivyo  viwili

wajumbe 10 kutoka kila kijiji wanaohusika  na kamati  ya  usimamizi

wa  maliaasili katika kijiji ndio walengwa  wa mafunzo hayo.

Agnes  Nchimbi mtendaji wa kijiji  cha Limamu ambaye ni  mshiriki wa

mafunzo hayo  amedai kijiji chake kipo katika mpango  wa jamii wa

usimamizi wa misitu  hivyo mafunzo hayo  yatawawezesha  kuzifahamu na

kuzifuata taratibu zilizowekwa  na  serikali  ili kuepuka migogoro

isiyo ya lazima  katika jamii.

Nchimbi aliwataja wajumbe  waliohudhuria katika mafunzo hayo  kutoka

katika kijiji chake  kuwa ni Yeye  ambaye ni mtendaji wa kijiji,

mwenyekiti kamati  ya maliasili,katibu wa kamati,mweka hazina ,kamanda

kamati ya maliasili  pamoja na wajumbe  wa 5 kutoka  katika kamati

hiyo  ya maliasili ya kijiji .

Kijiji cha  Limamu  na kilangalanga  kupitia mikutano yao ya hadhara

kwa wananchi wamepitisha mpango wa jamii wa usimamizi wa misitu katika

vijiji vyao ambapo  serikali  kupitia mpango huo  unawawezesha

wajumbe wa kamati  kuwapatia mafunzo  ili waweze kuusimamia vyema

mpango  huo.