KUKOSEKANA KWA WALIPAJI KODI WA HIARI KWAKWAMISHA MAKUSANYO YA MAPATO ARUSHA

Madiwani wa halmashauri ya Arusha wakifatilia Kikao cha baraza .

Mkurugenzi wa halmashauri ya Arusha Saad  Mtambule

akiongea katika Kikao cha baraza la madiwani  kilichofanyika Katika

ukumbi wa mikutano wa halmashauri hiyo .

Na Woinde Shizza, Michuzi Tv-Arusha

HALMASHAURI ya Arusha imeeleza sababu za halmashauri hiyo  kutokufikia

lengo la ukusanyaji wa mapato kota ya kwanza  kwa mwaka 2020 kama

ilivyojiwekea  makisio ya zaidi ya billioni 59 na millioni 188 na

kufanikiwa kupata billioni 21 na millioni 837 kufika Desemba 31,2020.

Sababu hizo zimetolewa na mkurugenzi wa halmashauri hiyo Saad Mtambule

 wakati akisoma taarifa za mapato na matumizi kwa mwaka huo kwa baraza

la madiwani alisema kilichofanya wasifikie asilimia 100 kota ya kwanza

ni pamoja na kukosekana kwa ulipaji kodi wa hiari kwa wafanyabishara

na kuyumba kwa bishara ya utalii.

Mtambule alifafanua kuwa walipa kodi mbalimbali wengi wanahitaji

kusukumana nao kwani ulipa kodi wa hiari umekuwa ni shida lakini kama

halmashauri wamejipanga wenyewe kama watendaji kutoka na kutembea kwa

pamoja kuhakikisha kila anayepaswa kulipa analipa na kile anacholipa

kiwe kile kinachostahili kupokea.

“Anayefanya biashara awe na leseni na alipe anachostahili na

tumekutana na hizi changamoto, wakati mwingine tunapelekana polisi

wengine mahakamani lakini ndo hivyo mapato hayana lele mama lazima

twende,” Alisema Mkurugenzi huyo.

Alieleza kuwa sehemu nyingine wamekua wakiondoa vitabu vya ukusanyaji

mapato na kupeleka mashine kama ilivyoelekezwa na serikali kwamba kila

chanzo cha mapato inakusanywa kwa kupitia mashine hizo.

Alisema changamoto nyingine ni kushuka kwa biashara ya utalii ambapo

alieleza kuwa uchumi wa Arusha unategemea  sana utalii na utalii ukifa

kwenye mahoteli biashara inaenda chini ambapo kwanzia mwezi wa pili

2020 na hii changamoto bado inaendelea idadi ya watalii iko chini.

“Watalii wanapokuja sisi ndio biashara nyingi zinachangamka  ushuru wa

huduma tupata hapo na ushuru huo ni sehemu ya mapato kwahiyo

tumekutana na changamoto hizi  lakini kuna jitihada mbalimbali

tunaendelea nazo kama watendaji na tunaamini kufikia mwezi wa nne,

watano tutakuwa tumefikia lengo tulilojiwekea,”Alisema.

Alifafanua kuwa wamebuni vyanzo vingine ambavyo vitawasaidia kukusnya

mapato mengine ambapo ni pamoja na ujenzi wa shuele ya mchepuo wa

kingereza ambayo imeshaanza kupokea wanafunzi lakini pia wanafanya

kazi ya urasimishaji kwenye kata ya Mlangarini kijiji cha Kiserian na

hadi tarehe january 25,2021 kuna watu wenye viwanja zaidi ya 3000

vilivyotambuliwa.

“Viwanja hivi ukizidisha mara laki moja na elfu hamsini utaona unaweza

ukaona ni zaidi ya millioni 400 ambazo tukizipata tukizikusanya

zitatusaidia kuongeza kiasi ambacho hakipo lakini pia kuna maeneo ya

Engorora,Laroi tutaenda na penyewe kufanya urasimishaji,"Alieleza.

Alifafanua kuwa wanaendelea kubuni vyanzo ambavyo viko kwenue maeneo

yao ambapo ni pamoja na kuja na wazo la kuanzisha kituo cha Radio

ambacho kitawasaidia kujitangaza na kuondoa changamoto ya wakazi wa

halmashauri hiyo wa mita 200 kutoka jiji la Arusha kutokuifahamu

halmashauri hiyo na kwenda kulipa mapato jiji.

“Wafanya biashara wengi waliopo eneo la mita 200 upande wa halmashauri

yetu unashangaa hawaijui halmashauri yao wanaenda kukata leseni jiji

na ukiwauliza wanakuwa hawaijui Arusha DC na ili tuweze kujitangaza

tumeona tuanzishe radio yetu na tayari tumeshaanza kulifanyia

kazi.”Alisema.

Hata hivyo alisema kwa kipindi hicho mapato ya ndani wamefanikiwa

kukusanya zaidi ya billion 2 ambayo ni sawa na asilimia 56.32 na

zingine ni ruzuku kutoka serikali kuu ikiwemo ruzuku za mishahara,

matumizi mengine, EP4R na mengineyo.